«Báıterek» nemis bıznesimen yntymaqtastyqty damytady
Kezdesý barysynda holdıng pen onyń enshiles kompanııalary bıznes, ónerkásip jáne ınvestıtsııa boıynsha nemis kompanııalaryna qoldaý kórsetýge daıyn ekendikterin bildirdi.
Kezdesýge DIHK-tiń «Jetkizý tizbegin ártaraptandyrý» bóliminiń basshysy Tomas Berner, Schneider Group prezıdenti Ýlf Shnaıder, Siemens Energy AG óńirlik damý bóliminiń basshysy Aleksandr Zolotýhın, sondaı-aq birqatar nemis kompanııalarynyń ókilderi qatysty.
Kezdesý barysynda Ádil Muhamedjanov búgingi tańda holdıngtiń enshiles uıymdary – Qazaqstannyń damý banki, Indýstrııalyq damý qory, KazakhExport jáne Qazaqstan ınvestıtsııalyq korporatsııasynyń qorjynynda Germanııanyń qatysýymen 36 joba bar ekenin atap aıtty.
Qarjylandyrýdyń jalpy somasy - shamamen 732 mln eýro, al holdıng Qazaqstan men Germanııa arasyndaǵy strategııalyq seriktestikti odan ári damytýǵa jáne strategııalyq mańyzdy salalarǵa ınvestıtsııa tartýǵa nıetti ekenin aıtty.
Sondaı-aq, Báıterek holdıngi basqarma tóraǵasynyń orynbasary Astana halyqaralyq qarjy ortalyǵy aýmaǵynda Premer-Mınıstrdiń birinshi orynbasary - Roman Sklıardyń qatysýymen ótken dóńgelek ústelde baıandama jasady.
Ádil Muhamedjanov «Báıterek» holdınginiń Qazaqstan ekonomıkasynyń damýynda sheshýshi ról atqaratynyn jáne el úkimetiniń mańyzdy qarjy agenti ekenin atap ótti.
2022 jyly holdıng shıkizattyq emes sektorǵa 3,9 mıllıard eýrodan astam somaǵa qoldaý kórsetti, alty myńnan astam jumys ornyn qurdy jáne 7,5 mıllıard eýronyń ónimi men qyzmetin óndirdi.
«Bıylǵy maýsym aıynda Germanııa prezıdenti Frank-Valter Shtaınmaıerdiń Qazaqstanǵa memlekettik sapary aıasynda holdıng pen Germanııa ekonomıkasynyń Shyǵys komıteti birlesken jobalardy qarjylandyrý boıynsha jumys tobyn qurý týraly memorandýmǵa qol qoıdy. 27 qyrkúıekte Berlınde jumys tobynyń birinshi otyrysy ótedi jáne men nemis kompanııalaryn osy sharaǵa qatysýǵa jáne birlesken jobalardy jan-jaqty talqylaýǵa shaqyramyn», - dedi Ádil Muhamedjanov.
Aıta keteıik, «Báıterek» UBH» AQ nemis seriktesterimen belsendi túrde yntymaqtastyqta jáne ınvestıtsııalyq jobalardy damytýǵa jáne Qazaqstan men Germanııa arasyndaǵy saýda-ekonomıkalyq baılanysty nyǵaıtýǵa járdemdesip, qazaqstandyq-germandyq iskerlik bastamalarǵa qatysady.
