Báıterek monýmenti týberkýlezge qarsy kúres kúnine oraı qyzyl túske bólenedi
«Elordada týberkýlezben kúres máselesine beı-jaı qaramaýdyń belgisi retinde qala sımvoly «Báıterek» monýmenti búgin keshke qyzyl túspen jaryqtandyrylady. Sonymen qatar búgin álem qalalarynyń kórnekti oryndary da qyzyl túspen erekshelenedi», - dedi Astana qalasynyń ftızıopýlmonologııa ortalyǵynyń dırektory Anna Tsepke qalalyq kommýnıkatsııalar qyzmeti alańynda ótken brıfıngide.
Sondaı-aq, ftızıopýlmonologııa ortalyǵynyń basshysy 2018 jyldyń 26 qyrkúıeginde BUU týberkýlezdiń taralý kórsetkishiniń joǵarylaýy boıynsha alǵashqy keńes ótkizgenine bıyl 5 jyl bolatynyn eske saldy.
Keńes barysynda Memleket basshylary týberkýlezdiń epıdemııa retindegi mártebesin talqylady jáne atalǵan indettiń taralýyn toqtatý úshin árbir memleket qajetti sharalar qabyldaý kerektigi aıqyndaldy.
Buǵan deıin J. Pralıeva týberkýlez juqtyrǵan astanalyqtardyń 53,9%-y eńbekke qabiletti jasta ekenin aıtqan bolatyn.
Sondaı-aq, elordada 1 myńnan astam ana sábıine týberkýlezge qarsy vaktsına salǵyzbaǵany belgili boldy.
Odan bólek, brıfıng barysynda týberkýlezden emdelýshilerge qandaı áleýmettik qoldaýdyń bary aıtyldy.
Astana qalasy sanıtarlyq-epıdemııalogııalyq baqylaý departamenti basshysynyń orynbasary Janna Pralıevanyń málimdeýinshe, elordada stýdentter arasynda týberkýlez juqtyrý kórsetkishi artqan.