«Báıterek» monýmenti alańynda astanalyq túlekterdiń merekelik sharasy ótip jatyr
ASTANA. 25 mamyr. QazAqparat/Aınur Kenebaeva/ - Búgin elimizde barlyq mektep bitirýshi túlekterdiń qurmetine sońǵy qońyraý soǵyldy. Osyǵan oraı «Báıterek» monýmenti alańynda Astana qalasy ákiminiń orynbasary Aıda Balaevanyń qatysýymen astanalyq mektep túlekterine arnalǵan merekelik shara ótip jatyr.
Aıta ketelik, bıylǵy jyly 3500-ge jýyq bala mektep bitirip otyr. Olardyń arasynda bolashaǵynan zor úmit kúttiretin 170 -ke jýyq «Altyn belgige» úmitkerler bar. Mektep bitirýshi túlekterdi alda Ulttyq biryńǵaı testileýdiń syndarly saǵattary kútip tur. Aıda Balaeva túlekterge arnalǵan quttyqtaý sózinde elimizdiń jastarǵa eren úmit artyp otyrǵandyǵyn eskertip, aldaǵy synaqtardan súrinbeı ótýlerine tilektestik bildirdi.
«Bıylǵy sońǵy qońyraý el táýelsizdiginiń 20 jyldyq mereıtoıymen tuspa-tus kelip otyr. Sizder egemendi elimizdiń tarıhyndaǵy jıyrmasynshy mektep bitirýshi túlektersizder, bundaı sáıkestiktiń ózi barlyqtaryńyzdan zor senim men úlken jaýapkershilikti talap etedi. Qazir bilim men ǵylymnyń zamany. Álemdik kóshten qalmas úshin búgingi ýaqyt talabyna saı bolý shart. Sol úshin de Elbasymyz jastarǵa qajetti jaǵdaılardy jasap keledi. Barlyqtaryńyzǵa sát sapar tileımin», - dedi sharanyń ashylý saltanatynda sóılegen sózinde Aıda Balaeva.
Shara «Báıterek» tobynyń, astanalyq Kóńildiler men tapqyrlar klýbynyń jáne ózge de ónerpazdardyń kontserttik baǵdarlamasymen ushtasqan kóńildi merekelik mádenı sharaǵa jalǵasyp jatyr.
