«Báıterek» memlekettik menshikti Bereke Vank-te saqtaýǵa qatysty túsinikteme berdi

«Báıterek» ulttyq holdıngi memlekettik menshikterdi saqtaýǵa qatysty taraǵan aqparatqa túsinik berdi, dep habarlaıdy QazAqparat tilshisi.

Buǵan deıin BAQ betterinde qarjy ınstıtýtynyń tabysy boıynsha turaqty ósim kórsete bastaǵany týraly aqparat paıda boldy. Osy oraıda paıdaly aktıvti saqtaý týraly másele týyndady.

«Báıterek» holdınginiń habarlaýynsha, banktiń 2023 jyldyń birinshi jarty jyldyǵyndaǵy taza paıdasy 13,6 mlrd teńge. Bank kapıtalynyń jetkiliktilik koeffıtsıenti bıyl 1 qańtarda 9,4%-dan 1 shildede 11,2%-ǵa ósti.

2023 jylǵy birinshi jartyjyldyqtyń qorytyndysy boıynsha holdıngtiń taza paıdasy 233,4 mlrd teńge. Ótken jyly bul soma 380,6 mlrd teńge boldy. Bul 2020 jylǵy kórsetkishten 5 ese jáne 2021 jyldan 3 ese kóp.

Qazir holdıng áleýetti ınvestorlarmen kelissózder júrgizip jatyr, mámile somasy anyqtalmaǵan.

Sondaı-aq «Báıterek» AQ-tan áleýetti ınvestorlarmen aqparatty jarııa etpeý týraly kelisim jasalǵanyn aıtty. Sondyqtan holdıngtiń kelissózder barysy men mámile sharttary týraly derekterdi usynýǵa quqyǵy joq.

«Bereke Vank» holdıng úshin satyp alý strategııasy emes. Bankti satyp alýda taıaýdaǵy mindetter, ınvestıtsııalyq tartymdylyqty saqtaý jáne arttyrý maqsaty boldy. Qazir bank aktıvterdiń joǵary sapasyna ıe jáne holdıng ınvestordy tabý boıynsha sharalar qabyldaýda. Banktiń holdıngtiń kompanııalar tobynyń quramynda qalýy qazirgi ýaqytta qaralyp jatqan joq», - delingen «Beıterek» holdınginiń QazAqparat agenttigi joldaǵan resmı saýalǵa berilgen jaýapta.

Eske sala ketsek, bir jyl buryn «Sberbank» pen «Báıterek» ulttyq holdıngi arasynda satyp alý-satý mámilesi jasaldy, keıin bank ataýy «Bereke Bank» dep ózgertildi. Naýryzda holdıngtiń bankti satý nıeti týraly habarlandy.