«Báıterek» qoljetimdi baspanaǵa bólingen qarjyny jyl sońyna deıin tolyq ıgeredi - Q.Bıshimbaev

ASTANA. QazAqparat - «Báıterek» UBH» AQ qoljetimdi baspanaǵa bólingen qarjyny jyl sońyna deıin tolyq ıgeredi. Bul týraly búgin «Nur Otan» partııasy fraktsııasy komıssııasynyń bıýdjet qarjysyn tıimdi paıdalaný máselesine arnalǵan otyrysynda atalǵan holdıngtiń basqarma tóraǵasy Qýandyq Bıshimbaev málim etti.

«Búgingi tańda memlekettik baǵdarlama boıynsha turǵyn úı qurylysyna bólingen qarjynyń 23 paıyzy ıgerildi. 23 paıyzynyń ǵana ıgerilý sebebi biz avans tólemeımiz. ıAǵnı, konkýrsty kompanııa jeńip alsa, onda ol tolyǵymen qurylys jumystaryn bitirýi qajet. Sodan keıin ǵana biz tólem jasaımyz»,- dedi ol.

Onyń atap ótýinshe, holdıng úıler daıyn bolǵanymen qajetti qujattary tolyq bolmasa da qarjy aýdarmaıdy.

«Búgingi tańda biz 63,3 mlrd. teńgeniń kelisimshartyna qol qoıdyq. Sondyqtan da búgingi tańda 92 mlrd. teńgeniń 63,3 mlrd. teńgesi tolyǵymen ıgerildi dep aıtýǵa bolady. Bul shamamen 70 paıyzdy quraıdy. Biraq, biz qarjy qurylys jumystary tolyq aıaqtalyp, daıyn páterler paıdalanýǵa berilgennen keıin ǵana aýdaramyz»,- dedi holdıng basshysy. Osy retti Q.Bıshimbaev jyl sońyna deıin qalǵan qarjy tolyq ıgeriletindigine senimdi ekendigin atap ótti.

«Biz qazirgi ýaqytta 2015 jyly 344 myń sharshy metrdi paıdalanýǵa berý kelisimshartyna qol qoıdyq. Al bizdiń osy jylǵa josparymyz - 400 myń sharshy metr. ıAǵnı, bizge 60 myń sharshy metr jetpeıdi. Biraq baıqaý júrgizilip jatyr. Biz 2015 jyldyń sońyna deıin qajetti sharshy metrdi jınap úlgeremiz. Eger merdigerler turǵyn úılerdi ýaqytyly tapsyratyn bolsa, onda biz tolyǵymen tóıleımiz. Demek, biz páterler boıynsha josparymyzdy tolyq oryndaıtyn bolamyz», - dedi ol.