Báıterek kesheninen Soıýz-5 zymyran tasyǵyshtaryn ushyrý taǵy da keıinge shegeriledi
Eki el arasyndaǵy kelisimge sáıkes, «Baıqońyr» ǵarysh aılaǵyndaǵy «Báıterek» kesheninen orta klasty tasymaldaǵyshtardy ushyrý synaqtary 2023 jyly bastalýy tıis bolatyn. Endi ol eki jylǵa keıinge shegerilmek.
«Qazaqstan Respýblıkasynyń Úkimeti men Reseı Federatsııasynyń Úkimeti «Báıterek» kesheninen orta klasty «Soıýz-5» tasyǵyshtaryn ushyrý synaqtarynyń bastalýyn 2025 jyly qamtamasyz etedi», - delingen Ashyq NQA portalynda jarııalanǵan Úkimettiń qaýly-jobasynda.
Qujatta jazylǵandaı, mundaı sheshim álemdegi geosaıası jaǵdaıǵa baılanysty qabyldanyp otyr.
«Kúrdeli geosaıası jaǵdaıǵa baılanysty álemde komponentter men materıaldardy jetkizý kezinde logıstıkalyq tizbekter úzildi. Bul jumys uzaqtyǵynyń ulǵaıýyna ákeldi. Osyǵan baılanysty «Báıterek» ǵarysh-zymyran kesheninen orta klasty zymyran tasyǵyshtardy ushyrý synaqtary 2025 jyly bastalady», - dep túsindirme berilgen qaýlyǵa.
Qujat 7 tamyzǵa deıin kópshilik talqylaýda bolady.
Eske salaıyq, buǵan deıin atalǵan keshennen «Soıýz-5» orta klasty zymyran tasyǵyshtardy synaý 2024 jyly bastalatynyn habarlap edik.
