«Báıterek» holdınginde pılottyq otandyq ekopolııalardy qurý týraly memorandýmǵa qoıyldy
ASTANA. KAZINFORM – «Báıterek» holdıngi men «Atameken» ulttyq kásipkerlik palatasymen birge agro-ındýstrııalyq aımaqtar men ónerkásiptik klasterlerge arnalǵan jobalyq sheshimderdi iske qosady, dep habarlaıdy holdıngtiń baspasóz qyzmeti.
«Báıterek» UBH» AQ-da kezdesý ótip, pılottyq otandyq ekopolııalardy qurý týraly tórt ınvestıtsııalyq memorandýmǵa qoıyldy.
Іs-sharaǵa «Báıterek» UBH» AQ Basqarma tóraǵasy Rústem Karaǵoıshın, «Atameken» UKP Basqarma tóraǵasynyń mindetin atqarýshy Raıymbek Batalov, sondaı-aq bıznes pen ındýstrııanyń basqa da negizgi ókilderi qatysty.
Kezdesýde taraptar agro-ındýstrııalyq aımaqtardy (AIZ) jáne ónerkásiptik klasterlerdi qoldaýdy kózdeıtin bızneske arnalǵan jańa pakettik sheshimderdi talqylady. Bul bastamalar ınfraqurylymdy qurýdan bastap orta jáne shaǵyn bıznes kásiporyndaryn ortaq ekojúıege biriktirýge deıingi jobalyq qarjylandyrýdyń tolyq tsıklin kózdeıdi.
«Biz kooperatsııanyń jańa formaty retinde ekopolııalardy qurý úshin aıtarlyqtaı múmkindikti kórip otyrmyz. Bul tek ınnovatsııalyq sheshim ǵana emes, sondaı-aq Qazaqstanda turaqty jáne básekege qabiletti bıznesti damytý úshin jasalatyn qadam. Biz bul jobalar elimizdiń basqa óńirleri úshin úlgi bolady jáne otandyq óndirýshilerdiń jahandyq naryqtarǵa shyǵýyna yqpal etedi dep senemiz», - dep atap ótti Rústem Karaǵoıshın.
Strategııalyq áriptestikti damytý maqsatynda «Atameken» Qazaqstan Respýblıkasynyń Ulttyq Kásipkerler palatasy men «Báıterek» ulttyq basqarýshy holdıngi» AQ arasynda yntymaqtastyq týraly Memorandýmǵa qol qoıyldy.
Sondaı-aq, kezdesý barysynda tórt pılottyq ekopolııamen ınvestıtsııalyq memorandýmdarǵa qol qoıyldy:
«Shardara» eksporttyq agroónerkásiptik klasteri» AIZ (Túrkistan oblysy) – 84 mlrd teńge. Joba selektsııa ortalyǵyn, 8000 gektar tamshylatyp sýarylatyn shıkizat bazasyn jáne ártúrli óńdelgen ónim túrlerin óndirýdi biriktirýdi qamtıdy.
«Sheńgeldi kópsalaly klasteri» AIZ (Almaty oblysy) – 29 mlrd teńge. Joba agroorman sharýashylyǵy pıtomnıgin, 14000 gektar sýarylatyn jerlerdiń shıkizat bazasyn jáne sút ónimderin óndirýdi qamtıdy.
«Aksu-Boskan qant klasteri» AIZ (Jetisý oblysy) – 25 mlrd teńge. Gıdroenergetıkany, melıoratsııany jáne kóptegen qaıta óńdeý ónimderin óndirýdi biriktirýdi qamtıdy.
«Birlik asyl tuqymdy qoı klasteri» AIZ (Batys Qazaqstan oblysy) – 25 mlrd teńge. Joba avstralııalyq tereń óńdeý tehnologııasyn qoldana otyryp, ulttyq qoı tuqymyn damytýǵa baǵyttalǵan.
Jańa modeldiń artyqshylyqtary – ınfraqurylym qurylysyn jedeldetedi, jahandyq brendterdi tartady jáne qarjylandyrý quraldaryn, sonyń ishinde jasyl qarjyny keńeıtedi.
«Atameken» ulttyq kásipkerler palatasy bıznespen jumys júrgizip, 4 strategııalyq jobany usyndy. Olardyń negizgi mindeti – ózge elderden joǵary bilikti tehnologııalardy ákelý, ınjenerlik ınfraqurylymdy damytýǵa jeke kapıtaldy tartý. Mundaı tásil ońaı bolmasa da, barlyq ınvestıtsııalyq bastamalarda suranysqa ıe», - dedi Batalov.
Taraptardyń pikirinshe, bul bastamanyń jetistigi Qazaqstandaǵy ınvestıtsııalyq ahýaldy aıtarlyqtaı nyǵaıta alady, osylaısha oń ekonomıkalyq turaqtylyqty qamtamasyz etedi.
