«Báıterek» holdınginiń kredıttik portfeli trıllıon teńgege jaqyndady
ASTANA. QazAqparat -«Báıterek» Ulttyq basqarý holdıngi» AQ kompanııalar tobynyń kredıttik portfeli 979 mlrd teńgeni qurap otyr. Bul týraly búgin Parlament Senatynyń depýtattarymen kezdesýi barysynda «Báıterek» Ulttyq basqarý holdıngi» AQ Basqarma tóraǵasy Qýandyq Bıshimbaev osylaı málim etti.
Basqarma tóraǵasynyń sózine qaraǵanda, holdıngtiń aktıvteri 2013 jyldyń basynan beri 251 mıllıard teńgege artyp, 2,1 trıllıon teńgege jetken. 2014 jyldyń 8 aıynda kredıtik portfel 979 mıllıard teńgeni qurady, bul bizdiń barlyq kompanııalardyń jıyntyq kórsetkishi. Bul rette Qazaqstannyń Damý bankine qarasty turǵyn úı, ıpoteka, ónerkásiptik zaemdardy qosa alǵanda kredıttik portfel ósimi 478 mıllıard teńgeni qurady. Al júzege asyrylǵan tikeleı ınvestıtsııalar sanyn bildiretin ınvestıtsııalyq portfel 9,3 mıllıard teńgege artyp, 2014 jyldyń 8 aıynda 28,3 mıllıard teńgege jetti», - dedi Qýandyq Bıshimbaev. Onyń sózine qaraǵanda, atalǵan kórsetkishterdiń ózi holdıng qurylǵannan bergi kompanııanyń belsendiligi artyp otyrǵanyn ańǵartady.
