«Báıterek» holdınginiń kompanııalary 12 jylda elimizde 72 myńnan astam jumys ornyn qurdy

ASTANA. QazAqparat - «Báıterek» holdıngine qarasty kompanııalar toby sońǵy 12 jyl ishinde Qazaqstan boıynsha 72 myńnan astam jumys ornyn qurdy. Mundaı málimetter «Báıterek» holdıngi Dırektorlar keńesiniń ınvestıtsııalyq saıasat talaptaryn oryndaý týraly esebin tyńdaýǵa arnalǵan otyrysy barysynda málim boldy.

Holdıngtiń baspasóz qyzmeti habarlaǵanyndaı, kompanııalary toby jalpy somasy 491,7 mlrd. teńgege óndiristik sektorda 12 joba boıynsha qarjylandyrý jumystaryn qolǵa alǵan. Budan basqa, shıkizattyq emes sektorǵa 466 mlrd. teńge ınvestıtsııalandy. Eseptik kezeń ishinde shıkizat emes sektordy uzaq merzimdi qarjylandyrýda holdıngtiń úlesi 68 paıyzdy qurap otyr.

«Shaǵyn jáne orta bıznesti qoldaýǵa Ulttyq qordan bólingen 200 mlrd. teńge ishinen 172,8 mlrd. teńge somasyna (119,1 mlrd. teńge - jańa jobalardy qarjylandyrýǵa, 32,5 mlrd. teńge - qaryzdardy qaıta qarjylandyrýǵa, 21,2 mlrd. teńge - aınalym qarajatyn tolyqtyrýǵa) 925 joba qarjylandyryldy. Kredıtterdiń 181,5 mlrd. teńge somasyna 1 694 joba sýbsıdııalanyp,14,4 mlrd. teńge somasyna kredıtter boıynsha 390 kepildik berý shartyna qol qoıyldy. Sonymen qatar, holdıngtiń enshiles uıymdary qarjylandyrǵan kásiporyndarda 45 437 turaqty jumys orny saqtalyp, jańadan 27 827 jumys orny qurylǵan», delingen baspasóz baıanynda.

Budan bólek, turǵyn úı qurylysyn damytý problemalaryn sheshý jáne baspanaǵa qoljetimdilikti arttyrý baǵytynda Holdıngtiń enshiles uıymy «Qazaqstannyń turǵyn uı qurylys jınaq banki» esepti kezeńde jalpy aýdany 449 myń sharshy metr, 7171 páterlik 81 turǵyn úıdi salý men satyp alý boıynsha yntymaqtastyq týraly 57 kelisim jasalǵan. Satyp alynǵan 6191 páter úshin jergilikti atqarýshy organdarǵa 43,7 mlrd. teńge aýdaryldy. Al «Qazaqstandyq ıpotekalyq kompanııa» baǵytymen 95,5 mlrd. teńge somasyna aýdany 610,2 myń sharshy metrlik (10 684 páter) 58 nysan boıynsha sharttarǵa qol qoıyldy. Budan bólek, 2015 jyly Astana, Almaty, Shymkent, Aqtóbe, Taraz, Qaraǵandy, Qostanaı, Kókshetaý, Semeı, Qyzylorda, Taldyqorgan, Pavlodar, Óskemen, Aqtaý qalalarynda 61,6 mlrd. teńge somasyna 392,8 myń sharshy metrlik (6 686 páter) 46 nysan paıdalanýǵa berilmek.

«Sonymen birge, atalǵan kezeń ishinde «Báıterek» holdınginiń kompanııalary toby ekonomıkanyń basym sektorlaryna sheteldik ınvestıtsııalardy tartty. Osylaısha, eseptik kezeńde tartylǵan sheteldik ınvestıtsııalardyń kólemi 1,86 mlrd.dollardy qurap otyr. Osy kezeń ishinde enshiles uıymdardyń jobalardy iske asyrýy nátıjesinde bıýdjetke salyq túsimderiniń kólemi 56,433 mlrd. teńgeni qurady», delingen baspasóz baıanynda.