«Báıterek» holdınginiń basshysy Gaagadaǵy bıznes-forýmǵa qatysty
NIDERLANDY. QazAqparat – «Báıterek» ulttyq basqarýshy holdıngi» AQ Basqarma tóraǵasy Aıdar Áriphanov Gaaga qalasynda ótken besinshi Qazaqstan-Gollandııa bıznes-forýmyna qatysty. Bıznes-forým QR Premer-Mınıstri Asqar Mamınniń Nıderlandy Koroldigine resmı sapary aıasynda ótti, dep habarlaıdy QazAqparat uıymnyń baspasóz qyzmetine silteme jasap.
Bıznes-forýmǵa iri kompanııalardyń top-menedjerleri, sonyń ishinde «Royal Dutch Shell» munaı-gaz kompanııasy, «Farm Frites BV» agro kompanııasy, «IKEA», «Bitfury» (Forbes 50 fınteh-kompanııasy tizimine kirdi), «SUEZ GROUP» (Eýropadaǵy eń iri kommýnaldyq kompanııalardyń biri), «Schneider Group» álemdik konsaltıngtik kompanııasy jáne basqalary bar.
Forýmda sóz alǵan Aıdar Áriphanov qatysýshylardy quramynda 11 enshiles kompanııasy bar «Báıterek» holdınginiń qyzmetimen tanystyrdy. Olar kásipkerlerdi ınvestıtsııalyq kezeńnen bastap daıyn ónimniń eksportyn qoldaýǵa deıin; syıaqy mólsherlemelerin sýbsıdııalaýdan kredıtke kepildik berýge deıin qoldaýdyń kóptegen quraldaryn usynady, sondaı-aq jobalyq qujattamany daıyndaýǵa, joba saraptamasyna kómektesedi jáne seriktes tabýǵa yqpal etedi.
Holdıng basshysy sonymen birge Qazaqstanǵa sheteldik ınvestıtsııalardy tartý sharalary týraly egjeı-tegjeıli aıtyp berdi.
