«Báıterek» holdınginiń agrarlyq salany damytý baǵytyndaǵy jumystary talqylandy
Qoǵamdyq keńes músheleri áýeli «Báıterek» ulttyq baqarýshy holdıngi» aktsıonerlik qoǵamynyń 2022 jylǵa arnalǵan jumys josparyn naqtylady.
Budan keıin «Agrarlyq nesıe korporatsııasy» aktsıonerlik qoǵamynyń qyzmeti týraly aqparat usynyldy. Korporatsııanyń basqarma tóraǵasy Almat Áshirbekovtiń aıtýynsha, 2022 jyly korporatsııa 330 mlrd teńge kóleminde qarjylandyrý alyp otyr. Sondaı-aq, «Keń dala» baǵdarlamasynyń aıasynda 140 mlrd teńge jáne bólinip otyr.
Bıyl «Agrarlyq nesıe korporatsııasynyń» aldyna búkil kórsetetin qyzmetin tsıfrlandyrý júktelip otyr. Sondaı-aq, ishki aqparattyq júıelerdi syrtqy júıelermen ıntegratsııalaý mindeti qoıylyp otyr. Oǵan qosa qaıta qurylǵan úsh jańa oblysta fılıaldar ashý, agrarlyq salany saqtandyrý aıasyn keńeıtý maqsatynda jańa ónimder pysyqtap usyný júktelgen. Al aýyldaǵy ıpotekany jandandyrýǵa 90 mlrd teńge jumsaý kózdelip otyr.
«QazAgroQarjy» aktsıonerlik qoǵamynyń basqarma tóraǵasy Aıdar Prashevte uıymnyń qyzmeti týraly málimet usyndy.
Onyń deregi boıynsha, 2022 jyldyń basynan beri 147,7 mlrd teńgege 6451 tehnıka satyp alý týraly ótinishter túsken. Onyń ishinde 62 mlrd teńgesi nemese 42%-y Qazaqstan qurastyrylǵan tehnıka satyp alýǵa baǵyttalǵan.
Sondaı-aq, ol «Qazaqstanda jasalǵan», «Ekspress-lızıng», «Master-lızıng» baǵdarlamalarynyń erekshelikteri men utymdy tustaryna toqtaldy.
Keńes otyrysynda «Damý» kásipkerlikti qoldaý qorynyń qyzmeti týraly aqparatta tyńdaldy.
Qoǵamdyq keńes músheleriniń tarapynan sharýalar men dıqandardyń usynys-shaǵymdary aıtyldy. Sonyń ishinde «Báıterek» ulttyq basqarýshy holdıngine qarasty uıymdardyń óńir-óńirdegi túrli fılıaldaryn bir ǵımaratqa shoǵyrlandyrý týraly usynys kópekeni sóz boldy.Bul holdıngke qarasty uıymdardyń qyzmetine júginýshilerdiń túrli mekenjaıǵa sabylmaı, búkil jumysyn bir jerden tyndyrýyna múmkindik jasaýy kerek.
«Bizge kórsetilgen qyzmetimizge qatysty keri baılanysty ornatý óte mańyzdy. Al sol keri baılanystyń bir tetigi – qoǵamdyq keńestiń jıyndary bolyp otyr. Ótken otyrysta qoǵamdyq agrarlyq salaǵa qatysty enshiles uıymdardyń qyzmetine qatysty aqparat tyńdalýy kerek degen usynys aıtqan. Búgin sol kezdesýdiń aıasynda túrli usynystar aıtyldy. Mysaly, «Báıterek» holdınginiń enshiles uıymdarynyń óńir-óńirdegi fılıaldarynyń keńselerin bir jerge shoǵyrlandyrý usynysy kópten beri aıtylyp júr. Bıyl onsyz da ol jumys bastalyp ketti. Bul baǵytta jumys istelip jatyr», - dedi «Báıterek» ulttyq basqarýshy holdıngi» aktsıonerlik qoǵamy basqarma tóraǵasynyń orynbasary Ádil Muhamedjanov.