«Báıterek» holdınginen aýyl sharýashylyǵy tehnıkasyn jańartýǵa qarjy bólinedi

ASTANA. QazAqparat – «Báıterek» holdınginen aýyl sharýashylyǵy tehnıkasyn jańartýǵa qarjy bólinedi. Bul týraly Premer-Mınıstr Álıhan Smaıylov ótkizgen «Báıterek» Ulttyq basqarýshy holdıngi» aktsıonerlik qoǵamy dırektorlar keńesiniń kezekti otyrysynda aıtyldy, dep habarlaıdy QazAqparat Úkimettiń baspasóz qyzmetine silteme jasap.

Dırektorlar keńesi memlekettik baǵdarlamalar sheńberinde óńdeý ónerkásibi salasyndaǵy jobalardy qarjylandyrý úshin Holdıngtiń enshiles kompanııalaryna qarajat bólý týraly sheshim qabyldady.

Budan basqa, otandyq agrarıılerdi qoldaý maqsatynda Holdıng «QazAgroQarjy» AQ jelisi boıynsha aýyl sharýashylyǵy tehnıkasyn jańartýǵa qarjy bóledi.

Sonymen qatar, Holdıng tobynyń ishki aýdıt qyzmetteriniń jumysyn syrtqy baǵalaý nátıjeleri týraly esebi qaraldy, bul olardyń halyqaralyq standarttar talaptaryna sáıkestigin kórsetti.

Foto: primeminister.kz