«Báıterek» holdınginen 197 mln teńgeniń jymqyrylýyna baılanysty qylmystyq is qozǵaldy

NUR-SULTAN. QazAqparat – «Báıterek» holdınginen 197 mln teńgeniń jymqyrylýyna baılanysty qylmystyq is qozǵaldy. Bul týraly Sybaılas jemqorlyqqa qarsy is-qımyl agenttiginiń 1-shi departamentiniń aǵa tergeýshisi Danııar Bekaıdarov málim etti, dep habarlaıdy QazAqparat tilshisi.

«Nur-Sultan qalasy boıynsha sybaılas jemqorlyqqa qarsy qyzmet «Báıterek» UBH» AQ laýazymdy tulǵalary men ózge de adamdarǵa qatysty tergeý amaldaryn bastady. Іs «Ulttyq tehnologııalyq damý agenttigi» AQ enshiles uıymynyń bıznes-modelin túrlendirý boıynsha konsýltatsııalyq qyzmetke arnalǵan memlekettik satyp alýǵa bólingen 197 mln teńgelik bıýdjet qarajatynyń jymqyrylýyna baılanysty qozǵalyp otyr», - dedi Danııar Bekaıdarov agenttikte ótken baspasóz máslıhatynda.

Qazirgi ýaqytta atalmysh is boıynsha sotqa deıingi tergeý amaldary júrgizilýde.