«Báıterek» holdıngi shaǵyn jáne orta bızneske qandaı qoldaý kórsetip otyr

«Qazaqstan bıznesi úshin qazirgi kezeń – óte qıyn bolyp tur. Koronavırýs indetine baılanysty májbúrli shekteý sharalarynan bıznes turalap, shyǵynǵa ushyrap otyr. Mundaı jaǵdaıda «Báıterek» holdıngi shaǵyn jáne orta bıznesti qoldaýǵa basymdyq beredi. Shaǵyn jáne orta kásipkerlerge memlekettik baǵdarlamalar aıasynda da, ózimizdiń baǵdarlamalarymyz aıasynda da kóptegen qoljetimdi quraldardy usynamyz. Bul qoldaý quraldarynyń kóbi «Bıznestiń jol kartasy» memlekettik baǵdarlamasyna shoǵyrlanǵan. «Bıznestiń jol kartasy» Tuńǵysh Prezıdent – Elbasy Nursultan Ábishuly Nazarbaevtyń tapsyrmasy boıynsha 2010 jyldan bastap júzege asyrylyp keledi. Baǵdarlama tıimdiligin dáleldep, qazaqstandyq kásipkerlerdiń naǵyz kómekshisi ekenin tanytty. 2013 jyldan beri «Damý» qory bul baǵdarlamany «Báıterek» holdıngi quramynda júzege asyrýda«, - dedi ol Ortalyq kommýnıkatsııalar qyzmetindegi baspasóz máslıhaty barysynda.

Onyń atap ótýinshe, shaǵyn jáne orta bıznesti qoldaý quraldarynyń ishinde syıaqy mólsherlemesin sýbsıdııalaý quraly suranysqa ıe bolyp otyr.

»2020 jylǵy 1 tamyzdaǵy jaǵdaı boıynsha «Damý» qory 2010 jyldan beri baǵdarlamanyń úsh baǵyty boıynsha 2,8 trıllıon teńge somasyna 16 311 jobany sýbsıdııalady. Onyń ishinde 2018 jyly jalpy kredıt somasy 173 mıllıard teńgege 1 432 joba, al 2019 jyly jalpy kredıt somasy 154 mıllıard teńgege 2 402 joba qoldaý tapty«, - dedi ol.

Basqarma tóraǵasynyń málimetinshe, sýbsıdııalanatyn jobalardyń salalyq qurylymynda óńdeý ónerkásibi, kólik jáne qoımalaý jobalary basym. Kóterme jáne bólshek saýdadaǵy 286 mıllıard teńgelik 2 293 joba, 144 mıllıard teńgelik 1 220 aýyl sharýashylyǵy jobasy bar.

»Óńirler arasynda Pavlodar (jalpy kredıt somasy 190 mıllıard teńgelik 1 304 joba) jáne Shyǵys Qazaqstan (jalpy kredıt somasy 179 mıllıard teńgelik 1 261 joba) oblystary kósh bastap tur. Aqtóbe oblysynda 154 mıllıard teńgeniń 1212 jobasy osyndaı qoldaýǵa ıe boldy«, - dedi Rýstam Qaraǵoıshın.