«Báıterek» holdıngi men «Goknur Gida» túrik kompanııasy AÓK salasyndaǵy jobanyń iske asyrylýyn talqylady

ASTANA. QazAqparat - 2022 jylǵy 3 qarashada «Báıterek» UBH» AQ Basqarma tóraǵasy Qanat Sharlapaev Qazaqstan Prezıdenti Qasym-Jomart Toqaevtyń 2022 jylǵy 11 mamyrdaǵy «Goknur Gida» kompanııasymen ekijaqty kezdesýi sheńberinde Prezıdent Toqaevtyń Túrkııaǵa resmı sapary barysynda Ankarada alǵash tanysqan «Goknur Gida» túrik kompanııasynyń Bas dırektory Osman Aslanalımen kezdesý ótkizdi.

«Goknur Gida» Túrkııadaǵy jemisterdi ósirý jáne organıkalyq shyryndardy, kontsentrattar men pıýrelerdi óńdeý boıynsha eń iri kompanııa bolyp tabylady, dep habarlaıdy QazAqparat.

Kezdesý barysynda taraptar jobany iske asyrý máselelerin jáne ózara tıimdi yntymaqtastyqtyń bolashaq áleýetin talqylady. AÓK salasynda kompanııa 5 jyl merzimge iri jobany iske asyrýdy josparlap otyr.

«Qazaqstannyń agrarlyq sektoryn damytý tutastaı alǵanda memleketimizdiń de, sonymen qatar ishinara «Báıterek» holdınginiń de basymdyqtarynyń qataryna kiredi. Óz tarapymyzdan biz kelissózderdiń odan ári barysyn anyqtaý úshin yntymaqtastyq perspektıvalaryn qarastyrýǵa daıynbyz», - dep atap ótti Qanat Sharlapaev.