«Báıterek» holdıngi quny 63,3 mlrd. teńge bolatyn 7 myńnan astam páter satyp alýǵa kelisimshart jasady
ASTANA. QazAqparat - «Báıterek» holdıngi quny 63,3 mlrd. teńge bolatyn 7 myńnan astam páter satyp alýǵa kelisimshart jasady. Bul týraly búgin «Nur Otan» partııasy fraktsııasy komıssııasynyń bıýdjet qarjysyn tıimdi paıdalaný máselesine arnalǵan otyrysynda atalǵan holdıngtiń basqarma tóraǵasy Qýandyq Bıshimbaev málim etti.
Onyń atap ótýinshe, búgingi kúni «Nurly jol» boıynsha jalǵa alý baǵdarlamasyn iske asyrý aıasynda jalpy somasy 63,2 mlrd teńge, kólemi 417,6 myń sharshy metr (7 208 páter) bolatyn 43 nysan boıynsha kelisimge qol qoıylǵan. Olardyń ishinde 2015 jyly tapsyrý merzimimen 53,3 mlrd teńge turatyn, aýmaǵy 344,7 myń sharshy (5 929 páter) bolatyn 36 nysan boıynsha, 2016 jyly tapsyrý merzimi boıynsha 10 mlrd teńge turatyn aýmaǵy 72,9 myń sharshy metr (1 279 páter) bolatyn 7 nysan boıynsha kelisimge qol qoıylǵan.
«Qol qoıylǵan kelisimderden ıemdený 194,8 myń sharshy metrdi nemese 3 295 páterdi quraıdy, qurylys - 222,8 myń sharshy metr nemese 3913 páter. Búgingi kúni Shymkent, Taraz, Semeı, Qyzylorda, Oral, Pavlodar, Taldyqorǵan, Óskemen jáne Petropavl qalalarynda qurylys jumystary júrip jatyr», - dedi «Báıterek» holdınginiń basshysy.
Qol qoıylǵan kelisimsharttar boıynsha bólingen 121,7 mlrd. teńgeniń is júzinde 27 mlrd. teńgesi ıgerilgen.
