«Báıterek» holdıngi Dúnıejúzilik bank tobynyń Ǵalamdyq bastamasynyń qatysýshysy boldy
Forým jumysynyń sheńberinde Holdıng Halyqaralyq qarjy korporatsııasynyń (IFC, Dúnıejúzilik bank qurylymy) áleýmettik jaýapty ınvestıtsııalaý qaǵıdalaryn engizý boıynsha (Investing for Impact: Operating Principles for Impact Management) ǵalamdyq bastamasyna qosyldy. Bul kompanııanyń qarjylandyrylǵan jobalardyń áleýmettik áser etý jáne qorshaǵan ortany qorǵaý salasyndaǵy ozyq tájirıbeni qoldaný tájirıbesine sáıkes keledi, sondaı-aq turaqty damý salasyndaǵy halyqaralyq jobalarǵa qatysýdy dáıekti túrde keńeıtedi.
Álemdegi jetekshi qarjy ınstıtýttarymen qatar, Holdıng qarjylandyrylǵan jobalardy iske asyrýdan ólshemeli áleýmettik jáne ekologııalyq tıimdilikke qol jetkizýge baǵyttalǵan osy prıntsıpterdi ázirleýge belsene qatysty. Bul mindetterdi sheshý quraldary jobalardy baǵalaý jáne baqylaý, sondaı-aq yqtımal teris saldarlardy joıý maqsatynda olardy basqarý bolyp tabylady.
Resmı is-sharalar barysynda Ǵalymjan Tájııaqov atap ótkenindeı, «Báıterek» holdıngi memlekettik baǵdarlamalardyń negizgi operatory bolyp tabylady. Kompanııa Qazaqstannyń turaqty damýyna áser etetin áleýmettik mańyzy bar jobalardy iske asyrýǵa belsendi túrde ınvestıtsııa salady. Eń aldymen bul bıznesti qoldaýǵa, halyqty qoljetimdi turǵyn úımen qamtamasyz etýge, eksporttyq áleýetti damytýǵa qatysty bolady. Holdıng qoldaý kórsetken Dúnıejúzilik banktiń ǵalamdyq bastamasy Holdıngtiń jańa Investıtsııalyq saıasatymen tikeleı baılanysty, ol qarjylyq qana emes, sonymen qatar áleýmettik jáne ekologııalyq nátıjelerge qol jetkizýge baǵyttalǵan.
«Qazirgi ýaqytta «Báıterek» holdıngi - TMD-daǵy IFC qaǵıdalaryn qabyldaý boıynsha mindettemeler alǵan jalǵyz damý ınstıtýty. Bul Holdıngke halyqaralyq yntymaqtastyqty nyǵaıtýǵa birneshe artyqshylyqtar beredi. Birinshiden, bul áleýmettik jáne ekologııalyq máselelerdi sheshý úshin jeke sheteldik kapıtaldy tartý úshin qosymsha múmkindikter ashady. Ekinshiden, ǵalamdyq ınvestıtsııalyq kompanııalarmen ózara is-qımyldyń jańa vektoryn belgileıdi. Úshinshiden, Holdıng turaqty negizde Dúnıejúzilik bank toby tarapynan jaýapty ınvestıtsııalar salasynda ádisnamalyq qoldaý alyp turatyn bolady», - dedi «Báıterek» UBH» AQ Basqarma tóraǵasynyń orynbasary Ǵalymjan Tájııaqov.
Sonymen qatar, forým sheńberinde «Báıterek» holdınginiń delegatsııasy halyqaralyq ınvestıtsııalyq bankter men qorlar, ulttyq damý ınstıtýttary jáne basqa qarjy uıymdary ókilderimen kelissózder ótkizdi.
