«Báıterek» holdıngi baspana qurylysyna qosymsha 61 mlrd teńge tarta alady
«Kredıttik turǵyn úı qurylysy boıynsha ákimdikter aınalymynda qazir árbir 2 jyl saıyn tsıkldyq máni bar 387 mlrd teńge bar. Qurylys kólemin ulǵaıtý úshin Biryńǵaı operator naryq jaǵdaıynda qosymsha 61 mlrd teńge tarta alady. Tartylatyn qorlandyrý qarajaty aǵymdaǵy kólemdermen mıkshırleýge baǵyttalatyn bolady. Bul ákimdikterdiń oblıgatsııalaryn jyldyq 4,25 paıyzben biryńǵaı mólsherleme boıynsha satyp alýǵa múmkindik beredi», - dedi ol.
Onyń atap ótýinshe, bul qarajat aınalymyn 448,5 mlrd teńgege deıin ulǵaıtýǵa, 2,5 mln sharshy metr turǵyn úı salýǵa múmkindik beredi.
«Bıyl naryq jaǵdaıynda barlyǵy 300 mlrd teńge tartý josparlanýda. Áleýetti ınvestorlar retinde kommertsııalyq bankter, saqtandyrý jáne qarjy uıymdary ishki jáne reseılik naryqtarda qarastyrylady. 1-toqsanda Eýrazııalyq damý bankimen jáne Reseı Sberbankimen kelissózder aıaqtalady.
Qosymsha, erkin kepildik bazasynyń bolmaýyna baılanysty bankterden kommertsııalyq kredıtter ala almaıtyn qarjylyq - turaqty qurylys salýshylardy qoldaý úshin jobalyq qarjylandyrý tetigin engizý usynylady», - dedi Aıdar Áriphanov.
