«Báıterek» holdıngi 7 myń otbasyn jaldamaly baspanamen qamtydy
Qonys toıyn kimder toılady? Búrlibaevtar otbasy Jańa jylda jańa úıde qonys toıyn toılaýǵa qamdanyp jatyr. Memlekettik qyzmette júrgen erli-zaıypty 5 jyldan beri kezekte turǵan. Senimderi aqtaldy. «Jaldamaly turǵyn úı» baǵdarlamasy aıasynda 3 bólmeli páter buıyrdy.
- QIK sharty boıynsha alǵashqy jarnasyz alyp otyrmyz, jas otbasylar úshin úlken kómek dep sanaımyn. Alǵysymyz sheksiz, óte qýanyp otyrmyz bes jyl boıy kúttik, - deıdi memlekettik qyzmetker Saltanat Búrlibaı.
Bıylǵy jospar boıynsha «Báıterek» holdıngi 7 myń jaldamaly páterdi paıdalanýǵa berýi tıisti. Mindet 6,6%-ǵa asyra oryndaldy. ıAǵnı 62 páter artyq salyndy. Qurylys qarqyny jóninen ońtústik óńir kósh bastap tur. Bir ǵana Almaty qalasynda osy jyly 1885 otbasy qonys toıyn toılady. Jospar asyra oryndalsa da, kezekte turǵandar sany báribir azaıar emes. Qazirdiń ózinde elimizde 355 myń adam turǵyn úı kezeginde tur.
- 2016 jyly biz 411 myń sharshy metr úıdi paıdalanýǵa berýimiz qajet. Qazirgi 240 myń sharshy metrdiń qurlysy boıynsha kelisim jasaldy. Bul shamamen 4500 páter, - deıdi «Báıterek» UBH» AQ departament basshysynyń mindetin atqarýshy Oljas Salyqov.
Al 2020 jylǵa qaraı holdıng 1,5 mıllıon sharshy metr turǵyn úıdi paıdalanýǵa berýdi kózdep otyr. Jaldamaly páterdiń bir sharshy metri Astana men Almaty qalalarynda shamamen 1120 teńge, al óńirlerde 923 teńge tóńireginde. Holdıng ókilderi naryqtaǵy kúrdeli kezeń páter qunyna jáne qurylysqa áser etpeıdi dep sendirýde.