«Báıterek» holdıngi 1,5 mlrd dollar sheteldik ınvestıtsııa tartty - Q. Bıshimbaev
ASTANA. QazAqparat -2014 jyly «Báıterek» holdıngi 1,5 mlrd dollar sheteldik ınvestıtsııalar tartty. Búgin Parlament Senatynyń depýtattarymen kezdesýi barysynda «Báıterek» Ulttyq basqarý holdıngi» AQ Basqarma tóraǵasy Qýandyq Bıshimbaev osylaı málim etti.
Onyń aıtýynsha, búgingi tańda holdıng tarapynan shetelden ınvestıtsııalar tartý jumystary belsendi túrde atqarylyp jatyr.
«Aǵymdaǵy jyly 1,5 mlrd dollar sheteldik ınvestıtsııalar tartyldy. Bunyń ishinde 500 mln dollar qarajatty ındýstrııalandyrý baǵdarlamasynyń jobalaryn qarjylandyrýǵa baǵyttaý josparlanyp otyr. Bular negizinen Qazaqstannyń Damý bankinde jatqan erkin aınalymdaǵy qarajattar, olardy kez kelgen ýaqytta paıdalanýǵa bolady. Al qalǵan bir mıllıard dollar - belgili bir maqsattaǵy qarajat, negizinen Shymkent munaı óńdeý zaýytyn jańǵyrtý úshin jumsaý kózdelgen», - deıdi Q. Bıshimbaev.
