«Báıterek» holdıngi Qytaıdan qansha ıýan qaryz alǵany túsindirildi

ASTANA. KAZINFORM – «Báıterek» UBH basqarma tóraǵasy Rýstam Qaraǵoıshın Qytaıdan qansha ıýan qaryz alǵanyn jáne ony qaıda jumsaıtynyn aıtyp berdi.

«Бәйтерек» холдингі Қытайдан қанша юань қарыз алғаны түсіндірілді
Фото: Ағыбай Аяпбергенов / Kazinform

Keshe «Báıterek» holdıngi alǵash ret Qytaıdan ıýan valıýtasymen qaryz alǵany habarlanǵan edi

− Bul - óte mańyzdy oqıǵa jáne ázirge tek qana basy. (Qaryz) kólemi — 400 mıllıon ıýan. Biraq munyń mańyzdylyǵy — biz alǵan ıýan quny óte jaqsy, bizdiń ınvestıtsııalyq jobalarǵa sáıkes qunyn quraıdy. Qazir Qytaı tarapynyń kelisimnen shyǵa almaımyn jáne keıbir derekterdi asha almaımyn. Biraq aqyr aıaǵynda ony 7-8 paıyz ıýanda 10-15 jyldyq jobalarǵa jiberemiz, − dedi holdıngtiń basqarma tóraǵasy Rýstam Qaraǵoıshın Úkimette ótken brıfıngte.

Spıkerdiń aıtýynsha, bul qarajat ázirge aýyl sharýashylyǵy salasyna, onyń ishinde ósimdik salasyna jumsaldy.

Aıta keteıik, bıyl Úkimet «Báıterek» holdınginiń ekonomıkalyq jobalarǵa quıatyn kapıtal kólemin 1 trln teńgege ulǵaıtady.

Сейчас читают