«Báıterek» holdıngi «INNOPROM. Qazaqstan» kórmesine qatysty
«Báıterek» ulttyq basqarýshy holdıngi» AQ Qazaqstandaǵy INNOPROM halyqaralyq kórmesine qatysty. Іs-shara sheńberinde holdıng kelýshilerdiń nazaryn óz damýynyń negizgi ınnovatsııalyq jobalary men strategııalyq baǵyttaryna aýdara otyryp, óz pavılonyn usyndy, dep habarlaıdy QazAqparat.
Ulttyq ekonomıkanyń básekege qabilettiligin arttyrý jáne ónerkásiptik áleýetin damytý maqsatynda holdıng óziniń enshiles uıymdary: «Qazaqstannyń Damý Banki» AQ, «Ónerkásipti damytý qory» AQ, «Damý» kásipkerlikti damytý qory» AQ, «Qazaqstan Investment Corporation» AQ jáne «KazakhExport» eksporttyq saqtandyrý kompanııasy» AQ arqyly óńdeýshi ónerkásip jáne ınfraqurylym salasynda qoldaý kórsetýde.
Іs-sharaǵa kólik, aýyl sharýashylyǵy, energetıkalyq mashına jasaý, stanok jasaý, hımııa ónerkásibi, metallýrgııa jáne ónerkásiptik IT sııaqty ártúrli salalardan 300-den astam kompanııa jınaldy. Kórmege Qazaqstan Respýblıkasynyń, Belarýs Respýblıkasynyń, Armenııa Respýblıkasynyń jáne Reseı Federatsııasynyń ulttyq ekspozıtsııalary qoıyldy.
Іs-sharaǵa 20 elden kelgen delegatsııalar tájirıbe almasý, ónerkásiptik damýdyń bolashaǵyn talqylaý jáne halyqaralyq yntymaqtastyqty nyǵaıtý platformasyn usyna otyryp qatysty.
«Báıterek» holdıngi kásipkerlikti qoldaýǵa, agroónerkásiptik keshendi damytýǵa jáne halyqty turǵyn úımen qamtamasyz etýge basa nazar aýdara otyryp, el ekonomıkasynyń shıkizattyq emes sektorlaryn damytýǵa tikeleı úles qosyp jatyr.
