«Báıterek» ǵaryshtyq zymyrandar keshenin qurý merzimi qysqartyldy
«Jospar boıynsha 2025 jyl edi. Biz qazir 2022 jyly qurylatyndaı jumysty jedeldetip jatyrmyz», - dedi QR Qorǵanys jáne aeroǵarysh ónerkásibi mınıstri Beıbit Atamqulov Parlament Májilisiniń otyrysynan keıin tilshilerge jaýap bere otyryp.
Mınıstrdiń aıtýynsha, bıyl qazaqstandyq tarap tehnıkalyq-ekonomıkalyq negizdemeni daıyndap, 2020 jylǵa qaraı «Zenıt-M» starttyq alańynyń ınfraqurylymyn jóndeýge kirisip ketýi tıis. 2022 jylǵa qaraı Qazaqstan barlyq júıeni jańǵyrtyp, ony tsıfrly formatqa aýystyrýǵa mindetteledi.
«2022 jyldyń jazyna qaraı biz qazaqstandyq taraptyń jumysyn aıaqtaýymyz kerek. Bul alańnyń ózine, jiberý qondyrǵysyna qatysty máseleleler. Biz jiberý qundylyǵynyń ıesi bolamyz. Reseılikter zymyrannyń qalpy men pishinin, onyń negizgi standarttyq ólshemderin aıaqtaýy kerek. Bul tolyǵymen ekologııalyq taza, jańa zymyran bolady. Kelesi jyly olar konstrýktorlyq jumysty bastaýy tıis. Al 2021 jyly reseılikter zymyran boıynsha barlyq jumysty - synaqty aıaqtap, 2022 jyly jiberýge daıyndaýy tıis», - dedi mınıstr.
Eske sala ketsek, «Báıterek» Qazaqstan men Reseıdiń birlesken jobasy. Ol «Baıqońyr» ǵarysh aılaǵyndaǵy «Zenıt» ǵaryshtyq zymyrandar kesheniniń qazirgi ınfraqurylymynda jáne keleshegi zor reseılik ortasha klastaǵy tasyǵysh-zymyranda (TZ) daıyndalatyn bolady.
Foto: mdai.gov.kz
