«Báıterek» ǵarysh zymyran kesheninde synaq qashan aıaqtalady

ASTANA. KAZINFORM – Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Dosjan Musalıev «Báıterek» ǵarysh zymyran keshenin paıdalanýǵa qatysty túsinik berdi.

- Qazir «Báıterek» jobasynyń jobalyq-smetalyq qujattary aıaqtaldy. Tehnıkalyq jumys bastalyp ta ketti. Jyl saıyn úsh ret ushyrý josparlanǵan. Synaq retinde ushyrý tártibi 2027 jylǵa deıin josparlanǵan. 2028 jyldan bastap tolyqqandy paıdalanylady. 2028 jyldan tórt ret zymyran-tasyǵyshty ushyrý eskerilgen. Al reseılik tarap onyń úsheýine kepildik berip qoıǵan, - dedi D. Musalıev Senatta tilshiler suraǵyna jaýap bere otyryp.

Onyń aıtýynsha, «Báıterek» jobasy boıynsha yntymaqtastyq Reseımen jeke úkimetaralyq kelisim aıasynda júzege asyrylyp jatyr.

Eske salsaq, bıyl maýsym aıynyń basynda Parlament Májilisi «2004 jylǵy 22 jeltoqsandaǵy Qazaqstan Úkimeti men Reseı Úkimeti arasyndaǵy «Baıqońyr» ǵarysh aılaǵynda «Báıterek» ǵarysh zymyran keshenin qurý týraly kelisimge ózgerister engizý týraly hattamany ratıfıkatsııalaý týraly» zańy qabyldandy.

Sonymen qatar «Báıterek» BQ» AQ-nyń Basqarma tóraǵasy Aıdyn Aıymbetov «Báıterek» kesheninen «Soıýz-5» zymyran-tasyǵyshynyń alǵashqy ushyrylymy jyl sońyna josparlanǵanyn rastady.