«Báıterek» fýtbol klýby chempıonat kóshbasshylaryn 2:0 esebimen utty
ASTANA. 22 mamyr. QazAqparat - 21 mamyr kúni ótken oıyndar barysynda «Báıterek» fýtbol klýby «Aqtóbe jas» fýtbol klýbyn 2:0 esebimen jeńdi.
Bul týraly Qazaqstan Respýblıkasy Sport jáne dene shynyqtyrý isteri agenttiginiń baspasóz qyzmetinen habarlady.
«Aıta keterligi, «Báıterek» komandasy basym oıynshylarynsyz qaldy. Brazılııada oqyp qaıtqan jas fýtbolshylar jeńil jaraqat alyp, qalǵan úsheýi elmizdiń quramasyna shaqyryldy. Alaıda, jarty qurammen oınaǵan «Báıterek» fýtbol klýby qyzyqty oıyn kórsete bildi», - delingen taratylǵan habarlamada.
Birinshi 5 týrdan keıin klýb qanjyǵasynda 8 upaı bar, al birinshi oryndy ıelený úshin olarǵa 2 upaı ǵana jetpeı qaldy. Alaıda, komanda QR-dyń 1/8 Kýbogyna joldama ala almaı qaldy. Óıtkeni, «Báıterek» oıynǵa tolyq quramda qatysa almady.
Aıta keterligi, akademııanyń jas jattyqtyrýshylary óz jastaryna baılanysty birinshi lıga komandalaryna qarsylas bola almaıdy. Sondyqtan, «Báıterek» fýtbol komandasynyń quramyna kásibı aıaqdop sheberleri shaqyryldy.
«Báıterek» fýtbol komandasy brazılııalyq «Ole Brazıl FK» fýtbol akademııasynda oqyp qaıtqan jas fýtbolshylardyń kásibı deńgeıin ári qaraı damytý maqsatynda qurylǵanyn bilemiz. 2009 jyly Fýtbol federatsııasynyń irikteý komıssııasynyń tańdaýymen Brazılııaǵa 26 fýtbolshy attanǵan bolatyn.
2012 jyldyń naýryz aıynda Sport jáne dene shynyqtyrý isteri agenttigi Brazılııada oqyp jatqan nemese oqyp kelgen jastardyń kásibı deńgeıin ári qaraı damytý maqsatynda jańadan «Báıterek» FK qurý týraly sheshim qabyldady.
Komanda quramynda 27 oıynshy bar. Olardyń 15-i Brazılııa akademııasynyń túlekteri, al qalǵan 12 oıynshy elimizdiń ár aımaǵynan shaqyrylǵandar. Topty Brazılııalyq quram jattyqtyrady.
Búginde komanda quramynda 6-8 «brazılııalyq» oınaıdy. Ýaqyt óte kele «Báıterek» quramynda tolyǵymen derlik Brazılııalyq akademııa túlekteri oınaıdy dep josparlanýda. Bıylǵy jyly atalǵan mektepke taǵy 26 oıynshy jiberildi.
