«Báıterek DEVELOPMENT» AQ basshysy para alǵany úshin ustaldy
Tergeý «Báıterek DEVELOPMENT» AQ laýazymdy tulǵalary A. Jaqypov (Basqarma tóraǵasynyń orynbasary), B. Aıtymbetov (memlekettik-jeke áriptestik dırektsııasy departamentiniń basshysy), G. Sarıev (basqarýshy dırektor) «Nurly jol» memlekettik baǵdarlamasy aıasynda jaldamaly turǵyn úı salý boıynsha qyzmetterdi satyp alý kezinde qurylys kompanııalarynyń múddelerin ońtaıly sheshekeni úshin júıeli túrde asa iri kólemde para alý shemasyn júrgizgenin anyqtady.
Qylmystyq toptyń ár qatysýshysynyń óz róli bolǵan. Sonymen, Aıtymbetov qurylys kompanııalary ókilderinen aqshany tikeleı alyp otyrǵan, sosyn ony Jaqypov pen Sarıevke bergen. Óz kezeginde sońǵylary sharttarǵa, oryndalǵan jumys aktilerine, tólemge esepshottarǵa qol qoıǵan.
11 kásiporyn tartylǵan qylmystyq shema barsha respýblıka boıynsha qurylys nnysandaryn qamtyǵan, ıaǵnı Oral, Kókshetaý, Atyraý, Aqtóbe, Taraz, Taldyqorǵan. Vedomostvo baspasóz qyzmeti habarlaǵandaı, 17 qarashada 288 mln teńge somasynda kezekti para alý barysynda Jaqypov, Sarıev, Aıtymbetov ustaldy.
Aqshany quny 3,4 mlrd turatyn Pavlodar qalasyndaǵy eki 9 qabatty turǵyn úıdi salýǵa sharttardy jasasqan kezde «Project City Group» JShS-ǵa járdemdeskeni jáne oryndalǵan jumys aktisine kedergisiz qol qoıǵany úshin alǵan. Budan basqa, «Báıterek DEVELOPMENT» AQ laýazymdy tulǵalaryna birneshe ret para bergeni úshin «Project City Group» JShS basshylary men quryltaıshylary B. Esmuhanov, K. Smaǵulov, E. Jumanazar, A. Komarov ustaldy. Osyndaı qylmystyq shemamen burynǵy basqarýshy dırektor Anarbaı para alyp otyrǵan. Qazir QR QPK 128-babyna sáıkes ol da ustaldy.
Aıta keteıik, «Báıterek DEVELOPMENT» AQ damý ınstıtýttaryn, qarjy uıymdaryn basqarý jáne ulttyq ekonomıkany damytý júıesin ońtaılandyrý maqsatynda QR Prezıdentiniń 2013 jylǵy 22 mamyrdaǵy Jarlyǵymen qurylǵan «Báıterek» Ulttyq basqarýshy holdınginiń enshiles kompanııalarynyń biri bolyp tabylady.