«Báıterek» BK» AQ bas dırektory taǵaıyndaldy

ASTANA. 8 qazan. QazAqparat - Aktsıonerlerdiń syrttaı daýys berýiniń nátıjesinde «Báıterek» Qazaqstan-Reseı birlesken kásipornynyń bas dırektory taǵaıyndaldy, dep habarlady Qazǵaryshtyń baspasóz qyzmetinen.

«2013 jylǵy 26 qyrkúıektegi №25 hattamasyna sáıkes, «Báıterek» Qazaqstan-Reseı birlesken kásiporny» AQ aktsıonerleriniń kezekten tys jalpy otyrysynda syrttaı daýys berýdiń nátıjesinde 2013 jylǵy 26 qyrkúıekte Qýat Mustafınov «Báıterek» BK» AQ bas dırektory bolyp taǵaıyndaldy», - dep aıtylǵan Qazǵarysh baspasóz qyzmetiniń habarlamasynda.

Q. Mustafınov Uly Oktıabrdiń 60 jyldyǵy atyndaǵy ıAroslavsk joǵary zenıtti zymyran komandalyq ýchılışesin bitirgen, ol sondaı-aq, Tver qalasyndaǵy áýe shabýylynan qorǵaný mamandaryn daıyndaıtyn áskerı ýnıversıtettiń túlegi bolyp tabylady. JOO-ny bitirgennen keıin biraz jyldar KSRO, Qazaqstan Qarýly kúshteri qatarynda kadrlyq áskerı ofıtser qyzmetin atqardy. 2010 jylǵy 13 qańtardan bastap, «Báıterek» BK» AQ bas dırektorynyń orynbasary - «Baıqońyr» keshenindegi fılıaldyń dırektory qyzmetin atqarǵan.

Q. Mustafınov sońǵy 2 jylda «Báıterek» BK» AQ bas dırektorynyń mindetin atqarǵan.