«Báıterek» basshysy: «Bereke Bank»-tiń shyǵynyn memleket ótemeıdi

ASTANA. QazAqparat – «Báıterek» ulttyq basqarýshy holdınginiń basqarma tóraǵasy Qanat Sharlapaev «Bereke Bank»-tiń qordalanǵan shyǵyny memleket esebinen ótelmeıtinin málim etti, dep habarlaıdy QazAqparat tilshisi.

«Bereke banktiń» satylatyny týraly aqparattar aıtylyp júr? Áli satýdan úmitterińiz bar ma? Al onyń 300 mlrd teńge shyǵynyn kim óteıdi?», - dep surady BAQ ókili «Báıterek» UBH basqarma tóraǵasynan.

«Biz úmittenip otyrǵan joqpyz. Biz kelissóz júrgizip jatyrmyz. Kimmen ekeni, ókinishke qaraı, kommertsııalyq aqparat. Ony ashyp aıta almaımyn», - dedi ol.

Aıtýynsha, banktiń moınyndaǵy eski shyǵyndary burynǵy aktsıonerdiń moınynda.

Memleket banktiń eshqandaı shyǵynyn ótemeıdi. Bank satylǵanǵa deıin kelgen shyǵyndardyń bizge qatysy joq. Bul – banktiń buǵan deıingi aktsıoneri ózine qabyldap alǵan shyǵyndar. ıAǵnı, 1 qyrkúıekke deıin bolǵan dúnıeniń báriniń bizge tikeleı qatysy joq. Búkil shyǵyndar bizge emes, buǵan deıingi aktsıoneriniń moınynda qaldy», - dedi Qanat Sharlapaev QR Prezıdent ulyqtaý rásiminiń aldynda bergen suhbatynda.

Aıta keteıik, búgin Astanadaǵy Táýelsizdik saraıynda Qazaqstan Prezıdentiniń ulyqtaý rásimi ótti.