«Báıterek» aınalasyndaǵy qurylystar aıaqtalady - ákim I.Tasmaǵambetov
ASTANA. 18 maýsym. QazAqparat - «Tabys munaralary» kópqabatty bıznes ortalyǵy men qonaq úı kesheniniń salynýymen «Báıterek» monýmenti mańaıyndaǵy qurylystar tolyǵymen aıaqtalady.
Búgin atalǵan nysannyń alǵashqy tasyn qalaý saltanatynda Astana qalasynyń ákimi Imanǵalı Tasmaǵambetov osylaı aıtty.
«Astananyń 15 jyldyq merekesi qarsańynda sáýleti saltanatyna saı elordamyzdyń qurylys kelbetin kórkeıte túsetin taǵy bir úlken ǵımarattyń irgetasy qalanyp otyr. Qazir Astanada salynyp jatqan qurylys nysandary kóp. Sonyń ishinde QR Tuńǵysh Prezıdentiniń kitaphanasy men qory, «Ábý-Dabı plaza» kópsalaly kesheni, «Hılton», «Merıot», endi olardyń qataryna «Tabys munaralary» da qosylyp jatyr. Onyń aıaqtalýymen «Báıterek» monýmenti mańaıyndaǵy qurylys jumystary aıaqtalady», - dep atap kórsetti I.Tasmaǵambetov.
