«Baıtaq» partııasy usynǵan baǵdarlamasy boıynsha jumys isteı beredi - Azamathan Ámirtaev

ASTANA. QazAqparat - «Baıtaq» jasyldar partııasynyń tóraǵasy Azamathan Ámirtaev partııanyń ekzıt-poll qorytyndysy boıynsha Parlamentke ótpegenine qaramastan, usynǵan baǵdarlama boıynsha óz betinshe jumys isteı beretinin aıtty, dep habarlaıdy QazAqparat.

«Qazaqstan Respýblıkasy Prezıdentiniń saıası reformalarynyń arqasynda jeti jyl boıǵy sátsizdikterden keıin «Baıtaq» partııasyn tirkeýge qol jetkizdik. Saılaý aldyndaǵy ótken aıda bizdiń ujym Qazaqstannyń barlyq aımaqtaryn aralap shyqty. Halyq tarapynan kóterilgen 500-ge jýyq ótkir de túıindi saýaldardy jınap, partııa baǵdarlamasyna engizdik. Ekzıt-poll nátıjesi boıynsha bizdiń partııa parlamentke ótken joq. Biraq «Baıtaq» partııasy óz kúshimen usynǵan baǵdarlamasy boıynsha jumysty jalǵastyrady. Parlamenttiń jańa quramyna el ıgiligi úshin jumys isteýge tilektespin», - dep jazdy «Baıtaq» partııasynyń tóraǵasy Azamathan Ámirtaev Facebook-te.