«Baıtaq» partııasynyń tóraǵasy Azamathan Ámirtaev Quryltaı saılaýynda daýys berdi
ASTANA. KAZINFORM — «Baıtaq» partııasynyń tóraǵasy Azamathan Ámirtaev Quryltaı saılaýynda daýys berdi. Saılaý ýchaskesinde búgingi kúnniń el tarıhyndaǵy mańyzyna toqtalyp ótti.
— Búgin tarıhı kún. El tarıhynda alǵash ret Quryltaıdy saılap jatyrmyz. Bul Prezıdent bastaǵan saıası reformalardyń naqty qadamy. Men bul jerge saılaýshy retinde keldim. Meniń daýysym osy kezekte turǵan kez kelgen adamnyń daýysymen teń. Búgingi kúnniń máni de osynda, — dedi Azamathan Ámirtaev.
Azamathan Ámirtaev el azamattarynyń saıası kózqarastary men baǵdarlamalary ártúrli bolǵanymen, ortaq maqsat eldiń bolashaǵy ekenin atap ótti.
— Biz ártúrlimiz. Baǵdarlamalarymyz da, bir máselege qatysty jaýapkershiligimiz de ártúrli. Biraq elimiz bir. Keshe bizben pikirtalasqa túsken adam erteń bizben qatar jumys isteıdi. Eldiń birligi bolmasa, kez kelgen reformanyń nátıjeli bolýy qıyn, — dedi ol.
Aıta keteıik, búgin elimizde tarıhı Quryltaı saılaýy ótip jatyr.
Daýys berý 10 423 saılaý ýchaskesinde ótedi.
