«Baıserke aspany – 2026»: avıatsııalyq shoýǵa 10 myńǵa jýyq kórermen jınaldy
ASTANA. KAZINFORM – Almaty oblysyndaǵy Baıserke aerodromynda «Baıserke aspany – 2026» aýqymdy avıatsııalyq shoýy uıymdastyryldy. Іs-sharaǵa 10 myńǵa jýyq kórermen qatysty.
Іs-shara barysynda qonaqtarǵa túrli áýe tehnıkasynyń múmkindikteri men kásibı ushqyshtardyń sheberligi kórsetildi. Avıatsııalyq baǵdarlamaǵa Mı-2 jáne Mı-8AMT tikushaqtary, An-2, ıAk-18T, ıAk-52, ıAk-55, Socata TB-10, Socata TB-20, Partenavia P.68 ushaqtary, sondaı-aq motodeltaplandar men avıamodelder qatysty.
Kórermender úshin tájirıbeli ushqyshtardyń joǵary pılotajy, Mı-8AMT tikushaǵy arqyly órt sóndirý tehnıkasynyń kórsetilimi jáne eki An-2 ushaǵynan parashıýtshilerdiń jappaı desanty uıymdastyryldy. Budan bólek, «Romb» jáne «Veer» formatyndaǵy toptyq ushýlar kópshilik nazaryna usynyldy.
Týrızm jáne sport mınıstrligi málimetinshe, avıatsııalyq shoýdyń qorytyndy bóliminde ushqyshtar men parashıýtshilerdiń birlesken kórsetilimi ótti. Baǵdarlama «Nebo Baıserke» gımni, baraban shoýy jáne salıýtpen aıaqtaldy.
«Baıserke aspany – 2026» is-sharasy Týrızm jáne sport mınıstrligi bekitken 2026 jylǵy respýblıkalyq týrıstik is-sharalar kúntizbesine engizilgen.
Avıatsııalyq shoý Almaty oblysynyń týrıstik áleýetin tanytyp, óńirde oqıǵalyq týrızmdi damytýǵa jáne jańa týrıstik ónimderdi qalyptastyrýǵa múmkindik beretin iri joba retinde uıymdastyryldy. Іs-shara avıatsııa áýesqoılary men týrısterdi bir alańǵa jınap, óńirdiń tartymdylyǵyn arttyrýǵa baǵyttaldy.
Buǵan deıin avıatsııa salasyna yqpal etetin syrtqy faktorlar kóbeıgenin jazǵan edik.
