Baıronnyń hattary rekordty somaǵa satyldy
ASTANA. Qazannyń 31-i. QazAqparat - Aǵylshyndyq aqyn Djordj Gordon Baıronnyń jarııalanbaǵan hattar jıyntyǵy Sotheby's aýktsıonynda rekordty somaǵa - 277,25 myń fýntqa (458,8 myń dollar) satyldy,
dep habarlaıdy QazAqparat France-Presse saıtyna silteme jasap.
Lottyń aldyn ala baǵasy 150 myń fýnttan 180 myń fýntqa deıingi aralyqty quraǵan. Sotheby's ókili aıtqanyndaı, aýktsıon úıi mundaı sátti mámilege qatty rıza bolǵan kórinedi. Sonymen qatar, baǵa lord Baıronnyń ádebıet úshin qanshalyqty qymbat jáne jurtshylyqqa súıikti aqyn bolyp qala beretinin kórsetedi.
Jıyntyq aqynnyń hattarynan quralǵan 71 bettik qoljazbadan turady. Olarda ol mahabbat, poezııa, din, saıahat jáne tóńkeris týraly jazady. Sotheby's sarapshylarynyń aıtýynsha, Baıron bul hattarynda múldem basqa qyrynan tanylǵan.
