Sán-saltanat salyǵy qymbat nesıelerge de salynady

Ulttyq ekonomıka mınıstri Álibek Qýantyrov Senattaǵy Úkimet saǵatynan keıin BAQ ókilderine bergen suhbatynda nesıege satyp alynǵan qymbat múlikterge de sán-saltanat salyǵy salynatynyn aıtty, dep habarlaıdy Kazinform.

«Sán-saltanat salyǵy sol nysanǵa salynady. Sondyqtan, ony qalaı satyp alǵany mańyzdy emes. Qolma-qol aqshaǵa satyp ala ma, nesıege satyp ala ma, báribir. Bastysy, satyp alǵan jyljymaıtyn nemese jyljymaly múlikti tirkeý alymyn tóleýi kerek», - dedi Álibek Qýantyrov.

Aıta keteıik, jańa Salyq kodeksinde sán-saltanat salyǵyn qymbat múlikterge salý usynylyp otyr.

«Sán-saltanat salyǵyn engizý boıynsha birneshe eldiń tájirıbesi bar. Biz onyń bárin qarastyryp jatyrmyz. Frantsııa bar, mysaly. Odan keıin Eýropalyq Odaqqa múshe birneshe eldiń mysaly bar. Sondaı-aq, AQSh-tyń tájirıbesi bar. Basqa da mysaldar bar. Onyń bárin qarastyramyz», - degen bolatyn Álibek Qýantyrov.