Baılanys joq: Almaty oblysynda órtten balalar qaza tapty
Qaıǵyly jaǵdaı týraly aqparatty BAQ ókilderi jarııalady. Jazbaǵa sáıkes, turǵyndar órt sóndirýshilerdi der kezinde shaqyra almaǵan.
Aıtýlarynsha, jer úıden shyqqan órtten ákesi men kishkenteı eki balasy tirideı janyp ketti. Turǵyndar ýaqytynda kómek shaqyryp, órt sóndirýshilerge habar bere almaǵan. Óıtkeni, aýylda uıaly baılanys joq.
Osyǵan baılanysty QR Tsıfrlyq damý, ınnovatsııalar jáne aeroǵarysh ónerkásibi mınıstrligi túsinik berdi.
«Almaty oblysy, Uıǵyr aýdany, Kepebulaq aýylynda 524 adam turady. Baılanys operatorlarynyń dereginshe, eldi mekende Uıaly baılanys 2G-«KaR-Tel» JShS, «Mobaıl Telekom-Servıs» JShS, «Ksell» AQ baılanys tehnologııalary qoljetimdi. Baılanys operatory bergen lıtsenzııalyq mindettemelerge sáıkes 500-den astam halqy bar eldi mekender kem degende 2G standartynyń daýystyq baılanysymen qamtamasyz etilýi tıis. Alaıda baılanys operatorlary ózderiniń lıtsenzııalyq mindettemelerin oryndamady»,- dep habarlady QR Tsıfrlyq damý, ınnovatsııalar jáne aeroǵarysh ónerkásibi mınıstrligi, Telekommýnıkatsııalar komıtetiniń tóraǵasy Erjan Meıramov.
Belgili bolǵanyndaı Kepebulaq aýylynda «Kar-Tel» JShS operatory uıaly baılanys qyzmetin uıymdastyrýy tıis bolǵan, al «Ksell» AQ jáne «Mobaıl Telekom-Servıs» JShS operatorlary birlesken kelisim sheńberinde (ınfraqurylymdy birlesip paıdalaný) qyzmet kórsetýge mindetti edi.
«Alaıda, «Kar-Tel» JShS basqa eki uıaly baılanys operatory úshin birlesken kelisim sheńberinde uıaly baılanys ınfraqurylymyn uıymdastyrǵan joq, osyǵan baılanysty osy aýyldaǵy baılanys sapasy belgilengen talaptarǵa sáıkes kelmeıdi. Operatorlarǵa qatysty kórsetiletin qyzmetterdiń sapasyna tıisti tekserý júrgizilip, operatorlarǵa qatysty tıisti sharalar qabyldanatyn bolady. Qabyldanǵan sharalar týraly qosymsha habarlanady»,- dep atap ótti QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń ókilderi.
