Baılanys jáne aqparat vıtse-mınıstrine qatysty qylmystyq is aıyptaý qortyndysymen prokýratýraǵa joldandy

Bul týraly búgin elordada ótken baspasóz máslıhaty barysynda QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.

«Mádenıet jáne aqparat mınıstrliginiń Aqparat jáne muraǵat komıtetiniń burynǵy tóraǵasy, al qazirgi kezdegi Baılanys jáne aqparat vıtse-mınıstri N. Orazovqa, Aqparat jáne muraǵat komıteti tóraǵasynyń orynbasary S.Nurahmetovke, «Júıeli zertteýler ınstıtýty» JShS-niń dırektory Saırovqa qatysty qylmystyq istiń tergeýi aıaqtaldy. Olarǵa qyzmettik ókilettigin teris paıdalandy, qyzmettik jalǵandyq jasady jáne 25,1 mln. teńge bıýdjet qarajatyn talan-tarajǵa saldy degen aıyptar taǵyldy», - dedi resmı ókil.

M.Jumanbaıdyń aıtýynsha, atalǵan qarajat 2007-2008 jyldary «Mádenı mura» baǵdarlamasynyń aıasynda «Sh.Ýálıhanovtyń shyǵarmalar jınaǵy» men «Álem memleketteri» entsıklopedııalyq anyqtamalyǵyn daıyndaý men shyǵarýǵa bólingen jáne «Júıeli zertteýler ınstıtýty» JShS-ne zańsyz aýdarylǵan.

«Іs júzinde merdigermen qyzmetter atqarylmaǵan, aqshalaı qarajat jalǵan aktilerge qol qoıý arqyly urlanǵan. Atalǵan týyndylardy shyǵarý boıynsha sharalar qarjy polıtsııasy organdarynyń aralasýynan keıin ǵana qolǵa alyndy. Qylmystyq is aıyptaý qorytyndysymen prokýratýra organdaryna joldandy», - dedi ol.