Baılanys jáne aqparat mınıstrligi sandyq telearnalar arqyly habar taratý baǵytynda ulttyq spýtnıktik júıeni iske qosty
ANA. 25 mamyr. QazAqparat /Aıdar Ospanalıev/ - «Baılanys jáne aqparat mınıstrligi sandyq telearnalar arqyly habar taratý baǵytynda ulttyq spýtnıktik júıeni iske qosty»,- dedi búgin Baılanys jáne aqparat mınıstri Asqar Jumaǵalıev Astanada ótip jatqan Bas redaktorlar klýby forýmynda
A.Jumaǵalıevtyń sózine qaraǵanda, mınıstrlik sandyq telearnalar arqyly habar taratýdy qamtamasyz etý baǵytynda «Qazaqstan Respýblıkasynyń keıbir zańnamalyq aktilerine baılanys máseleleri boıynsha tolyqtyrýlar engizý týraly» zań jobasyn daıyndaǵan. Arnaıy konkýrs ótkizip, Qazaqstan azamattaryna arnalǵan jáne tegin kórsetiletin arnalardyń tizimi jasalǵan. «Sandy efırlik habar taratý maqsatynda biz sandyq habar taratýdyń jerden taratylatyn efırlik jelisiniń jıilik-aımaqtyq josparyn jasadyq. Sondaı-aq DVB-T jáne DVB-T2 sandyq, efırlik habar taratý standarttaryn testileý sharalary aıaqtaldy. Buǵan qosa telehabar taratýdyń biryńǵaı ulttyq operatoryn qurý máselesi qolǵa alyndy. Onyń ilki jobasy bıylǵy jyly Qaraǵandyda iske qosylady. Keıinirek bul shara elimizdiń ózge aımaqtarynda júrgiziledi»,-dedi mınıstr.
