Baılanys jáne aqparat mınıstrligi Qaznetten «Tsentr tıajestı» ınternet-resýrsynyń joǵalýyna jol bermeý kerek dep sanaıdy

Mınıstrlik tanymal «Tsentr tıajestı» ınternet-resýrsynyń tóńireginde qalyptasqan jaǵdaıǵa alańdap otyr, delingen mınıstrliktiń baspasóz qyzmetiniń habarlamasynda.

Atalmysh resýrstyń ıeleriniń arasyndaǵy kelispeýshilik forýmnyń ózinde, onlaıdyq jáne oflaındyq buqaralyq aqparat quraldarynda qoǵamdyq rezonansqa ıe bolyp otyr. Biraq ta, mınıstrliktiń pikirinshe, «bul kelispeýshilikter resýrs ıeleriniń arasynda birinshi kezekte kelisimshart qatynastaryna sáıkes jáne resýrsqa qatysty ulttyq zańnamanyń aıasynda sheshilýi kerek».

Baılanys jáne aqparat mınıstrligi, «Tsentr tıajestı» forýmynyń - Qaznettiń damýyna oń áserin tıgizgen, Internettiń qazaqstandyq segmentindegi pıonerlerdiń biri ekenin atap kórsetýde.

Mınıstr Asqar Jumaǵalıevtiń pikirinshe, sot isiniń barysynda taraptar resýrstyń tanymaldyǵyna, onyń ınteraktıvti múmkindikteri men tutynýshylardyń tarapynan suranysqa ıe ekendigine nazar aýdarýlary kerek.

Al «ct.kz» domeniniń jabylýyna qatysty mınıstrlik, onyń Almaty qalasynyń aýdanaralyq mamandandyrylǵan ekonomıkalyq sotynyń sáýirdiń 8-indegi anyqtamasyna sáıkes jabylǵanyn atap kórsetýde. Іstiń barysy sottyń sheshimine baılanysty bolmaq.

Mınıstr A.Jumaǵalıev óz kezeginde, Qaznetten «Tsentr tıajestı» ınternet-resýrsynyń joǵalýyna jol bermeý kerek dep sanaıdy.