Baılanys jáne aqparat mınıstrligi ınternet jyldamdyǵyn 2 esege arttyrǵaly otyr

Bul týraly búgin ınternet tehnologııalaryn damytý jóninde jýrnalıstermen bolǵan baspasóz máslıhatynda Baılanys jáne aqparat mınıstrligi Baılanys jáne aqparattandyrý komıtetiniń tóraǵasy Rızat Nurshabekov málim etti.

Onyń sózine qaraǵanda, ınternet jyldamdyǵy artqanymen oǵan degen tarıfterdiń baǵasy burynǵysynsha qala bermek.

Al «Qazaqtelekom» aktsıonerlik qoǵamynyń Basqarma tóraǵasy Qýanyshbek Esekeevtiń sózine qaraǵanda, aktsıonerlik qoǵam osyǵan deıin ınternet jyldamdyǵyn 2 esege arttyrýǵa ýáde bergen bolatyn.

«Bul baǵytta bizdiń Baılanys jáne aqparat mınıstrligimen birlesip daıyndaǵan 2014 jylǵa deıingi josparymyz bar. Oǵan sáıkes, biz bıylǵy jyly ınternet jyldamdyǵyn eki esege arttyramyz degen oıdamyn»,-dedi Q.Esekeev.