Baılanys jáne aqparat mınıstrligi Aqparat jáne muraǵat komıtetiniń avtomattandyrylǵan qyzmetteri iske qosyldy
ASTANA. 9 qańtar. QazAqparat - «Baılanys jáne aqparat mınıstrligi Aqparat jáne muraǵat komıtetiniń avtomattandyrylǵan qyzmetteri iske qosyldy», - dep habarlaıdy mınıstrliktiń baspasóz qyzmeti.
Jańa elektrondyq qyzmetter onlaın rejıminde muraǵattyq anyqtamalardy alýǵa jáne qujattarǵa apostıl qoıýǵa múmkindik beredi. Baılanys jáne aqparat mınıstrligi Aqparat jáne muraǵat komıtetiniń qyzmetteri portalda tirkelgen jáne elektrondyq tsıfrlyq qoltańbasy bar jeke jáne zańdy tulǵalarǵa qoljetimdi. Baspasóz aqparat quralyn tirkeýdi bildiretin «BAQ esepke qoıý» qyzmetin alý úshin ótinish berýshi bekitilgen úlgidegi ótinishti toltyryp, qajetti qujattardy qosa tirkeıdi. Budan soń elektrondyq qoltańbasymen kýálandyryp, Salyq kodeksine sáıkes, memlekettik alymdy onlaın rejıminde tóleıdi. Ótinish tirkelgen kúnnen bastap 15 jumys kúni aralyǵynda ótinishte kórsetilgen elektrondyq meken-jaıǵa buqaralyq aqparat quralynyń esepke qoıylǵany týraly kýáliktiń skanerlengen nusqasy jiberiledi. Eger azamattyń ótinishi oryndalmaǵan jaǵdaıda, onyń jeke kabınetine naqty sebebi kórsetilgen habarlama jiberiledi. Qalǵan qyzmetterdi alý úshin de («Muraǵattyq anyqtamalardy berý», «Qazaqstannyń memlekettik muraǵattarynan shyǵatyn jáne shetelge jiberiletin muraǵattyq anyqtamalarǵa jáne muraǵattyq qujattarǵa apostıl qoıý») qoldanýshy joǵaryda aıtylǵan áreketterdi oryndaýy qajet.
