Baılanys jáne aqparat mınıstri jemqorlyq faktileri týraly óziniń jeke blogyna jazýdy surady
ASTANA. 13 sáýir. QazAqparat - Baılanys jáne aqparat mınıstri Asqar Jumaǵalıev qazaqstandyqtardy jemqorlyq faktileri týraly óziniń jeke blogyna jazýǵa úndedi.
«Ózimniń burynǵy qyzmetimde Halyqqa qyzmet kórsetý ortalyqtarynyń jumysynda ashyqtyq pen jyldamdyqty qamtamasyz etetin josparlarymyzben bólisken bolatynmyn. Qaıtalaǵanym bolar, biraq sizdermen, oqyrmandarmen keri baılanysta bolý maǵan asa mańyzdy. Ortalyqtardyń jumysy boıynsha usynystaryńyz ben eskertýlerińiz jaıynda, jemqorlyq áreketteri týraly meniń jeke blogyma jazýdy suraımyn», - dep jazǵan Baılanys jáne aqparat mınıstri.
«Aıtpaqshy, men keshe Twitter-de tirkeldim. Endi qolym bosaı qalǵan ýaqytta sizdermen ıdeıalarymmen jáne birinshi aqparat kózderinen alynǵan jańalyqtarmen bólisip, qyzyqty oqıǵalarǵa pikirlerimdi jazatyn bolamyn», - dep tolyqtyrdy ol.
