Baılanys operatory úıdegi qoldanýshylar úshin ınternet jyldamdyǵyn eki ese arttyrdy
ALMATY. Maýsymnyń 8-i. QazAqparat /Erlik Erjanuly/ - Búgin Almatyda "QaR-Tel" JShS-i «Úıdegi ınternet» qyzmetin qoldanýshylardyń ınternet jyldamdyǵyn eki esege arttyryp, jańa tarıftik josparlar engizgeni týraly baspasóz málimdemesin taratty,
dep habarlaıdy QazAqparat.
«Biz óz abonentterimizge FTTP tehnologııasy boıynsha joǵary jyldamdyqty ınternet naryǵynda eń tıimdi usynystar bere alatyndyǵymyzǵa qýanyshtymyz. Endigi jerde álemdik jelige qosylý qazirgi tańdaǵy bar «Jyldamdyqty» tarıftik josparyndaǵy «úıdegi ınternet» jyldamdyǵy eki esege uzaryp 20 Mbıt/s jetedi. Qazirgi kezde Almatyda ınternetke mundaı joǵary jyldamdyqty tıimdi baǵamen tek qana Beeline usynyp otyr», deıdi «KaR-Tel» JShS-niń qoǵammen baılanys jónindegi qyzmet jetekshisi Pavel Rodın. Onyń aıtýynsha, olar «Lımıtsiz 3900» jáne «Lımıtsiz 4600» tarıftik josparlaryn iske qosqan. Olardyń jyldamdyǵy 2 jáne Mbıt/s. Qazirgi tańda «Úıdegi ınternet» qyzmeti: Gogol-Jeltoqsan-Qarasaı batyr-Qojamqulov; Saın-Jandosov-Navoı-Rysqulbekov; Momyshuly-Raıymbek-Saın -Jubanov; Momyshuly-Ulyqbek-Saın-Jubanov; Momyshuly-Ulyqbek-Saın-Abaı, Shalıapın-Saın-Abaı-Momyshuly, Tóle bı - Saın - Jandosov - Altynsarın kósheleri aýmaǵyndaǵy jáne Orbıta 1, 2, 3, 4 móltek aýdandarynyń turǵyndaryna qol jetimdi.Jalpy «Úıdegi ınternet» qyzmetine qosylý úshin aqy talap etilmeıdi jáne modemdi qondyrý qajet emes. Talshyqty-optıkalyq jelige qosylý úshin Fast Ethernet LAN adapter jelilik platasy bar kompıýter bolsa jetkilikti. Tarıfter standartty qosylý jıyntyǵymen birge: páterge symdy tartý aqysy, Internetpen arnaıy bólingen arnamen jumys isteý úshin Windows operatsııalyq júıesin kúıge keltirýdi qamtıdy.
