Baılanys operatory tilim-elim.kz ınternet saıtyn jasady
ALMATY. 10 mamyr. QazAqparat - Búgin Almatyda «KaR-Tel» JShS qazaq tilin qoldaýǵa baǵyttalǵan «Meniń tilim ádemi!» dep atalatyn áleýmettik jobany iske qosqanyn jarııalady.
Bul úshin olar tilim-elim.kz ınternet saıtyn jasaǵan. Joba qazaqstandyqtardy qazaq tilinde beınerolıkterdi jasaýǵa jappaı tartýǵa baǵyttalyp otyr. Onda I.Krylovtyń «Qarǵa men túlki», «Pil men qanden», «Shegirtke men qumyrsqa» mysaldarynyń Abaı Qunanbaıuly aýdarǵan aýdıonusqasy júktelgen. Árbir nıet bildirgen qazaqstandyq ózine unaǵan úzindini tańdap alyp, ony veb-kamera nemese uıaly telefonnyń kamerasyna túsirip, saıtqa júkteı alady. Bir aı ishinde úzdik dep tanylǵan beıneúzindilerden úsh beınerolık jasalady. Joba barysynda úzdik jyrshyny anyqtaý maqsatynda daýys berý eskerilgen. Eń belsendi qatysýshylarǵa syılyqtar tabys etiledi.
