Baılanys operatory tarıfteýdiń jańa úlgisin usyndy
ALMATY. 5 tamyz. QazAqparat - Qazaqstanda mobıldi baılanys aqysy mınýtyna 5 tsentti qurady.
Bul týraly Qazaqstanda Bılaın saýda belgisimen jumys jasaıtyn «KaR-Tel» JShS-niń bas dırektory Taras Parhomenko búgin Almatyda ótkizgen baspasóz máslıhatynda aıtty.
«Baılanys operatory tutynýshylarynyń abonenttik shoty sońǵy jyldary turaqty túrde azaıýda. Tek onyń qurylymy ózgerýde. Máselen, mobıldi baılanysta alǵashqyda SMS habarlama jiberý qyzmeti bolmady. Ol iske qosylǵan soń úlesi ósti. Odan keıin dybysty SMS, ınternet qyzmetteri engizile bastady. Bulardyń da úlesi artty.
"Jalpy mobıldi baılanys qyzmetiniń aqysy eldiń jalpy ishki ónimine de baılanysty. Máselen, Bangladeshte baılanys aqysy mınýtyna 1 tsent turady. Áleýmettik-ekonomıkalyq jaǵdaıy odan aıtarlyqtaı joǵary Qazaqstanda byltyr ortasha alǵanda 5 tsentti, al bizdiń kompanııada 3 tsentti qurady. Soltústik Amerıka turǵyndary 2012 jyly mobıldi baılanysqa aıyna shamamen 870 mınýt jumsaǵan. Azııa-Tynyq muhıty aımaǵynda - 300 mınýt. Bizdiń kompanııada 200 mınýttan asqan edi, alǵashqy jartyjyldyqtyń qorytyndysy boıynsha bıyl 280 mınýtqa jetti",- deıdi T. Parhomenko. Sondyqtan olar endi lımıtsiz baılanys toptamasyn usyný arqyly óz qyzmetin qoldanýshylardy kóbeıtýge múddeli bolyp otyr. Bul tarıfteýdiń 6 qatary arqyly júzege aspaq. Onda tutynýshy aıyna 300, 600 nemese 1200 teńge tóleı otyryp, tıimdi qyzmetter toptamasyna ıe bolady. Al kúnine 20, 30 nemese 50 teńge tóleý arqyly aı saıyn qosymsha 1200 mınýtqa deıin sóılese alady jáne 150 SMS-habarlama joldaý múmkindigi men 150 MB ınternet trafıkke qol jetkizedi.
