Baılanys operatory otansúıgishtikti nyǵaıtýǵa baǵyttalǵan aktsııa ótkizip jatyr
dep habarlaıdy QazAqparat «KaR-Tel» JShS-niń baspasóz qyzmetine silteme jasap.
Naýryzdyń 25-i kúni bastalǵan bul shara mamyrdyń 15-ine deıin sozylmaq. Aktsııa halyqaralyq bolyp tabylady, oǵan Beeline jelisimen qamtylǵan Reseı, Ýkraına, Armenııa jáne Tájikstan elderi de qatysady.
«Uly Otan soǵysy Keńes Odaǵy úshin úlken synaq boldy. Qazaqstan halqy da ortaq jeńiske qomaqty úles qosqan. Atalmysh aktsııa Jeńistiń 65-jyldyǵyna halyqty, birinshi kezekte jastardy keńinen tartady degen senimdemiz. Biz ardagerlerdiń beıbitshilikti qandaı baǵamen qorǵap qalǵanyn umytpaýǵa tıistimiz», deıdi «KaR-Tel» JShS-niń aımaqtyq damý jónindegi dırektsııasynyń dırektory Evgenıı Pepelıaev. Onyń aıtýynsha, aktsııa kezinde mobıldi telefon úshin tematıkalyq kontentti (rıngtondar, zýyldaq ornyna áýen, grafıka) tegin paıdalanýǵa múmkindik beriledi. Sondaı-aq «1945» qysqa nómirine «Pobeda» SMS-habarlamasyn joldap, Jeńis kúni taqyrybyndaǵy quttyqtaýlar men óleńderdi alýǵa bolady. Oǵan qosylý «1945» ortaq tegin nómiri arqyly iske asyrylady.
