Baılanys operatory Almaty oblysynyń zardap shekken turǵyndaryna arnalǵan qaıyrymdylyq SMS aktsııasynyń qortyndysyn jarııalady
ALMATY. Sáýirdiń 26-sy. QazAqparat /Erlik Erjanuly/ - Búgin Almatyda «Beeline» sý tasqynynan zardap shekken Almaty oblysynyń turǵyndaryna arnalǵan qaıyrymdylyq SMS aktsııasynyń qorytyndysyn jarııalady,
dep habarlaıdy QazAqparat «KaR-Tel» JShS-niń baspasóz qyzmetine silteme jasap.
Naýryzdyń 19-y men sáýirdiń 19-y aralyǵynda ótken bul aktsııaǵa Beeline abonentteri 10 myńnan astam SMS habarlamasyn jibergen. Sonyń arqasynda Almaty oblysynyń jumyldyrý daıyndyǵy, azamattyq qorǵanys, tabıǵı apattardyń aldyn alý jáne eskertýdi uıymdastyrý jónindegi basqarmasynyń esep shotyna 1 mıllıon 81myń teńge qarajat aýdaryldy. Tólemniń baǵyty: «Almaty oblysy, Qyzylaǵash aýylynyń zardap shekken turǵyndaryna qaıyrymdylyq kómek».
«Beeline aktsııaǵa qatysqan óziniń barlyq abonentterine alǵysyn bildiredi. Búginde ozyq mobıldi tehnologııanyń arqasynda qaıyrymdylyq kómek jasaý jumystaryn áldeqaıda jeńildetti. Bul júreginde jylýy bar jáne basqanyń qaıǵysyna ortaqtasyp, kómekke zárý jandarǵa qol ushyn beretin barlyq azamatqa múmkindik beredi. Bizdiń kompanııa zardap shekken turǵyndardyń álemniń kez-kelgen memleketinde turatyn týystarymen baılanysýǵa tegin múmkindik berýmen shektelmeı, ujym qyzmetkerleri kıimder jıyntyǵyn, aıaq kıim, azyq-túlik jınap berdi. Sondaı-aq qazaqstandyq árbir azamattyń sý tasqynan keıingi qalpyna keltirý jumystaryna óz kómekterin qosýy úshin 911 qysqa nómirin ashyp berdi», deıdi «KaR-Tel» JShS-niń qoǵammen baılanys qyzmetiniń jetekshisi Pavel Rodın.
