Baılanys operatorlarynyń tarıf qyzmetin birjaqty ózgertýge tyıym salynbaq

ASTANA. QazAqparat – Básekelestikti qorǵaý jáne damytý agenttigi baılanys qyzmetterin kórsetýge usynystar engizdi, dep habarlaıdy QazAqparat Agenttikke silteme jasap.

«Agenttikke uıaly baılanys operatorlarynyń tarıftik josparǵa engizilgen qyzmetter kólemin birjaqty ósirý boıynsha ótinishter tústi. Materıaldardy taldaýdan keıin uıaly baılanys operatorlary tarıftik josparda abonentter talap etpese de qyzmetter kólemine shamaly ózgerister engizetini anyqtaldy. Sonan soń bir mezgilde tarıftik jospardyń quny artady. Osyǵan oraı Agenttik uıaly baılanys operatorlarynyń tarıf talaptaryn ózgertýge tyıym salýy týraly usynysty joldady», - delingen habarlamada.

Qazirgi ýaqytta Agenttiktiń usynystaryn Tsıfrlyq damý, ınnovatsııalar jáne aeroǵarysh ónerkásibi mınıstrligi qarap jatyr.