Baılanys operatorlarynyń bazalyq antenna stansasyn ornatýy jeńildeıdi

ASTANA. QazAqparat – Baılanys operatorlaryna bazalyq antenna stansalaryn ornatý úderisi jeńildetilmek. Bul jaıynda QR Premer-Mınıstri Álıhan Smaıylovtyń Májilis depýtattarynyń saýalyna bergen jaýabynda aıtylǵan, dep habarlaıdy QazAqparat tilshisi.

«Densaýlyq saqtaý mınıstrligi baılanys operatorlary páter jáne turǵyn emes úı-jaı ıeleri jınalysynyń hattamalyq sheshimin talap etý quqyǵynsyz bazalyq antenna stansalaryn ornatýy úshin sanıtarııalyq-epıdemıologııalyq qorytyndyǵa ózgeris engizý bóliginde vedomstvolyq buıryqty ózgertýdi pysyqtap jatyr», - deıdi Álıhan Smaıylov jaýabynda.

Buǵan deıin Úkimet basshysy uıaly baılanys adam densaýlyǵy men qorshaǵan ortaǵa áser etpeıtindigin málimdegen bolatyn.

«Uıaly baılanystyń radıojıilik elektromagnıt óristeri tolqynynyń adam densaýlyǵy men qorshaǵan ortaǵa tıgizetin keri áserine qatysty júrgizilgen halyqaralyq zertteýler olardyń arasynan tikeleı baılanys tappady», - dedi Premer-Mınıstr.

Foto: 1rfr.com