Baılanys operatorlary 200 aýylda ınternet bar dep ótirik aqparat bergen – Baǵdat Mýsın

NUR-SULTAN. QazAqparat – Uıaly baılanys operatorlary Tsıfrlyq damý, ınnovatsııalar jáne aeroǵarysh ónerkásibi mınıstrligine 200 aýylda ınternet bar ekeni týraly jalǵan aqparat bergen, dep habarlaıdy QazAqparat tilshisi.

«Tsıfrlyq Qazaqstan» memlekettik baǵdarlamasyn iske asrydýyń aralyq nátıjesin talqylaǵan jıynda vedomstvo basshysy Baǵdat Mýsın osyndaı málimet aıtty.

«2019 jyly baılanystyń sapasy 50 paıyzǵa tekserilgen bolatyn. Byltyr sol qurammen taǵy 560 tekserý júrgizildi. Uıaly baılanys operatorlaryna 2019 jyly 15 mln teńge aıyppul salynsa, 2021 jyly aıyppul kólemi 140 mln teńge boldy. ıAǵnı, 10 ese ósken. Onyń ústine biz baqylaý fýnktsııalaryn kúsheıttik. Operatorlardyń qaı aýylda baılanys joq ekenin ózderi aıtyp, moıyndaı bastady», - dedi mınıstr.

Aıtýynsha, kemshilikti moıyndaýshylardyń keıbiri buǵan deıin vedomstvoǵa jalǵan málimet berip úlgergen.

«2021 jyly 200 aýylda baılanys pen ınternet bar dep aqparat bergen operatorlar 2022 jyly ınternet joq ekenin moıyndady. Óıtkeni olar bizdiń aýyl-aýyldy aralap, qaı jerde ınternet sapasy tómen ekenin anyqtap jatqanymyzdan qatelikti ózderi moıyndap, jumysty basynan bastaý jeńilirek bolatynyn túsindi. «Qazaqtelekom» ulttyq operatoryn teksergen kezde bizdiń qolymyzdaǵy bilimdi eskerýdi, tipti keı tusta jumysqa tartýlaryńyzdy suraımyz. Óıtkeni bul kvazımemlekettik kompanııalar, jeke naryq. Oǵan biz tikeleı aralasa almaımyz», - dedi Baǵdat Mýsın.