Baılanys naryǵyndaǵy qyzmetter kólemi 9,1% artty
ASTANA. QazAqparat – 2023 jylǵy qańtar-mamyrda baılanys salasynda kórsetilgen qyzmetterdiń kólemi 485,3 mlrd teńgeden asty. Bul ótken jyldyń sáıkes kezeńimen salystyrǵanda 9,1% kóp, dep habarlaıdy QazAqparat.
Ulttyq statıstıka bıýrosynyń málimetterine qaraǵanda, baılanys qyzmetteriniń jalpy kólemindegi eń úlken úles ınternet jelisiniń qyzmetterine tıesili, ol 221,3 mlrd teńgeni qurady. Bul kórsetkish 2022 jyldyń sáıkes kezeńine qaraǵanda 19,3% kóp. Budan keıin uıaly baılanys qyzmetteri – 101,5 mlrd teńge, onda qyzmet kórsetý kólemi ótken jyldyń qańtar-mamyrymen salystyrǵanda 5,3% kem boldy.
Basqa telekommýnıkatsııalyq qyzmetter boıynsha kórsetilgen qyzmetter kólemi 100,8 mlrd teńgeni qurady.
Esepti kezeńde qalaaralyq jáne halyqaralyq telefon baılanysynyń kólemi 10,9%-ǵa tómendedi - 6,8 mlrd teńge.
Bıylǵy 5 aıda jergilikti telefon baılanysynyń kólemi 12 mlrd teńgeni qurady, bul 2022 jyldyń sáıkes kezeńimen salystyrǵanda 1,3% az.
2023 jyldyń qańtar-mamyr aılaryndaǵy abonentter sany: - tirkelgen telefon jelileri – 2,7 mln birlik - uıaly baılanys abonentteri – 24,5 mln birlik - ınternetke qosylǵan uıaly baılanys abonentteri – 17,5 mln birlik - tirkelgen ınternet abonentteri – 2,9 mln birlik.
